|
رد على شاعرنا العاطفي ( اهداء الى بنات بلده )
محاولات كبورديه
أزكى التحية لـود الجـوف والريـم ماهـي بمنسـيـه ياوردتين أجمـل الخشـوف يـاطـب روحً شـقـاويـه الريم يزهى بهـا النفنـوف بالزيـن وصفـه بحوريـه ياجعل ربـي لهـا يحـوف وعسا السعادة لمـن زيـه ثم ود هالجوف بها الوصوف زين البـدو زاهـيً ضيـه كلا الحلا كاسـي الهنـوف هنيـت مـن ساكـنً حيـه ياجعل ربـي بهـا يـروف ودرب السعـادة خطـاويـه يامدور الزين! لـو تشـوف بنـتً بمغـرب وشامـيـه مثلي مايحـب هالمكشـوف ماغيـر بنـتً سعـوديـة وأزكى سلامي لود الجـوف والريـم ماهـي بمنسـيـه ياللي بك العالم يروف حالك غدا بك واااا عليه يامدّور ٍ في صيفك صفوف بالتذكره والتذكره دوليه لاهمتك نوره ولا نوف لالا ولا مريم وحوريه همك بنات ٍ بالجمال تطوف كل الحلا بس الحلا شاميه ياللي تصيّف في ضفاف النوف هي شام ٍ ترى سنافيه أجمل بنات ٍ بالحلال تحوف عطر وزهر وخدود ورديه أصل وفصل ماهن صنوف لالا ولاهن بصورة ٍ فوريه ماحد ٍ لهن بالمستحيل يعوف بقلوبهن صدق ٍ وحنيه لاتركض وراهن ولا تطوف وش لك تصيّف في بلد شاميه ؟؟؟؟ |
ماشاء الله ماشاء الله
اصفق بحراره رد رائع كروعتك ملكة الخواطر كلمات من اعذب كلمات الوصف ليس بالغريب منبع هذه الاحرف ان تكون من قلبك الرقيق فالفخر لجميع الفتياة ان تمثليهم تقبلي حظوري |
يعطيك العافيه يالغلا
وصح لسانك دمتِ |
من بين هالجوف والسرجوف وقامت تصافق بي يديّة عظّم سلامي ولاهو بخوف ومعظّمي ساق لك ريّة يمكن انا هاوي ملقوف وإهتضت طرقٍ وقافيّه وجريت قاف وصدره اوف جريتها بأوفٍ وبأيّه والشعر ماهو بصف حروف ولاهو اعذبه كذبة وغيّة ولاهو بلعب (ن ) بعقل ضعوف ولالي بحرفي ردى نيه من حاف يوم رجع محيوف ومن قال بيّه نقل ليّه شوف الحكم وإحكم بماتشوف ثم إرجم ابليس بحصيّه والنور لو تسترة مكشوف والحق ماينحجب ضيّـــه لـ / رائد النايف فيض اللحظة بصراحة ملكة هيضني الطرق والقاف وكتبت ماكتبت وماحبيت امسحه تحيّاتي لابداع شخصك وعلو قلمك ملكه والملك ليس اسما |
وجدي على باهي الغطروف=عنق المها ؛ خشف ؛ ريميّه ماهي من اللي تهزّ اكتوف=اتقلد رقصات شرقيّه كل الحلا ؛ منّها مقطوف=من شافها .. طب مهفيّه! الذارب من زينها المشيوف=عـذوبة ؛ رِقّـه ؛ حياويّه! ابوها عند العرب معروف=فكْ النشب فيه ماريّه واخوها لا من لفوه ضيوف=ما قال ما هو هنا بيّه عمامها ينطحون الطوف=ما بهم اللي وقفته نيّه وخوالها مغيثة الملهوف=ما يلحقه ضيم موليّه لا جاك يوم الدهر بصروف=تلقى مرافه وماويّه تذريك عن واهج الشفشوف=ترفعك وإن جوك طرقيّه ما صفقت من وراك اكفوف=تضحك وبك جمرةٍ حيّه! |
صح الله لسااانكـ شاااعرتنااا ملكهـ قصيده جزله ,, لاهنتي وووصح الله لسآآآآآآآآآآن اخوانناا الشعآآر بهالمجاراهـ الرائعه يعطيكم العافيه لاهنتووو جميعآآآ ود الــ ج ــوف :) |
صح لسانك
والله الحين يكبر راسهم علينا ؟؟؟ دمتي بود مع اجمل المحاولات الكيبورديه تحياتي رووكي |
اقتباس:
مساء الخير شاعرتنا القديرة // ملكة الخواطر صح لسانك مع انك شنيتي على حملة قويه:biggrin: لأني أخر مره سافرت فيها خارج السعودية عام1425هـ وبعدها امي حجزت على جوازي إلى اليوم للأسف وانا زرت دول عربية كثير ونصيحه لأخواني المصيفين أنهم إذا ذهبوا إلى أي بلد عربي أن يبتعدو عن العاصمه ويذهبوا للمدن الأخرى والريف فحتما سيسعدون وانا مجرب!! ______________ والحقيقة كتبت رد القصيدة البارح الساعة 12 بالليل لكن كنت متردد لان فيها مفاخره قوية شوي وقلت مستحيل اقولها لأنسانه قالت عني.: ( وعسى قلبً جرح قلبك على بعد الهوى يفداك ) فنمت وقلت الصباح رباح لكن لما قريت ردود اخواني تشجعت.. وكنت أتأمل ان اللي يرد عليك الشاعرات الموجودات لأني كنت افاخر ببنات الخليج لكن للأسف مافزعن لي:biggrin: ___________________ ملكة الخواطر العذر والسموحه أنا لم اقصد بنات الريف والبادية في الشام ذولا على عيني وعلى راسي فعاداتهم وتقاليدهم مثلنا تماماً وبعدين يستحيل اسب لأني من شمر!! وشيخ قبيلة شمر// الحميدي الدهام الجرباء هو اصلاً في الجزيرة بالشام كذلك تعداد شمر بالعراق والشام بالملايين فأرجو الأنتباه!! الوكاد القصيدة ماني مصّيف ولا ملقوف= أموت بلهجة ونجدية ماني يحب ( هيك وعم بتشوف)= حبي للهجة سعودية أحب كلمة.. هلا بضيوف= يابعد حيي شماليه والخير فيكم هل المعروف= ( ولا اسب بالشام ريفيه) (والحلوى) اللي تجي مغلوف!!= تنباع بالسوق غاليه (والحلوى) اللي تجي مكشوف= للجو والشمس .. قاسيه يالشام في حبكم مشغوف= بس الغلا للخليجيه لكن! امانة وبدون أحلوف= للشاب بالشام طاريه؟ هل تفضلين الخليجي خوف؟= أو حب ناسك حقيقيه لذى!! أعذري ضامر السرجوف= الزين مو بس شكليه وأســــــف إذا بالكلام اخلوف= ياضيء نجمة مسائية وسلامتك بندر الرسام الشمري عاد تبين الصراحه ماحصلت لي لا شاميه ولا خليجيه وشكلي إلى الأبد راح اكون عزابي:biggrin: |
اقتباس:
ولك تقديري |
اقتباس:
وشكرا لحضورك |
| الساعة الآن 05:23 PM. |