|
غريب الدار
تغيب الشمس ويطل الشفق وابكي من الضيقه=انا في كل عصريه احس اني غريب الدار اخافك يالغروب ومن خلقني الله ما اطيقه=احس ان الفراق ايدور في جوف السكون اعصار أذا لون الشفق يشبه شفاتك ما ابي ريقه=واذا عقب الحنان افراق انا كلي اسف واعذار واذا جا اليل والحلم الجميل تخاف تحقيقه=نصيحه لا تنام الا اذا وجه القمر لك جار غريب الشعر لو حزن القلوب ايزيد تشويقه=وانا شعري تشبع بالغرابه والقلوب اسرار انا ما قلت لك ان التلذذ بالعذاب احيان توهيقه=وانا اذكر قلت لي موت بعذابي يالرفيق امرار وانا اشهد للعيون اللي كسلها فيه ترويقه=وانااشهدللخدود اللي خذت من حمرة الازهار انا اشهد لا تبسمتي ترك قلبي معاليقه=يفز لطاري الغيمه ويعشق ريحة الامطار رغم كل الجفاء همسك شروق احب تصديقه=اخاف الشمس لو غابت يكون اخر غروب صار |
اقتباس:
محمد الجبيل انت ابن الدار ليس غريب عن الدار هنا محمد اثر فينا قصائده الشعريه بكل ما هو رائعه القصيده بكل ما تحمله الفكر اسلوبها راقي وتعبيرها رائعه كل متذوق واعشق للشعر يقراء الى محمد الجبيل صح السانك على النصوص الشعريه المتميزه وسجل ذروة اعجابي في رائعتك وتقبل مروري المتواضع على صفحتك الخاصه لك تحيتي وتقديري |
والله يا ملكة الخواطر واقولها لك من كل قلبي شعري ما يزين في عيني لين اشوف ردك عليه ما ادري ليه احس ان الشعر قيمته في ردودك كلنا نكتب شعر وكثيره هي الردود ولله الحمد ولكن انتي في ردودك وفاء غير عادي اتشرف واعتز وافتخر بك ولولا وجودك ما كتبت شعر |
صـــــــــــــح لسانك ملااااايييين قصيـــــــــدهـ مبدعهـ(الجبيــــــل)،،ذآئقهـ شعريهـ تفردت بها عن غيرك سطور صادقة الاحساس تلامس المشاعر بتعبيرها الإبداعي ليست حروف تسطر للثناء والمديح وانما كلمة حق اشهدها ويشهدها الكثير من قراء شعرك العذب تفنن بالكلمات وقريحهـ شعريهـ أثبت وجودها بوقت عجز فيه غيرك ان يثبتها تسلم يدينك ولا تحرمنا جديدك لاننا في شوق لهـ ودي وتقــــــــــــديري تقبل مروري المتواضع ع صفحتك المميزه""" |
شاعرنا الكبير محمد الجبيل
صح السانك واعتلي شانك لاهنت ولاهان ذا النطوق السنع مبدع كما عهدنك يحفظك المولي نرقب الزود من هالابداع دوماا تحياتي وتقديري شمس القوايل |
اخونا وشاعرنا الغير الجبل مش الجبيل هههه محمد انت رائع في شعرك
واذا جـــا الـيــل والـحـلـم الجـمـيـل تـخــاف تحقـيـقـه نصـيـحـه لا تـنــام الا اذا وجـــه الـقـمـر لـــك جــــار الله الله حسيت في عذوبت الشعر ورقته مودتي |
احساس صادق اغرقنا بعذوبته ...! صح لسانك يابن الجبيل فائق احترامي وتقديري يامرهف الحس تقبل تواضع مروري المـــدى ,,, |
تغيب الشمس ويطل الشفق وابكي من الضيقه=انا في كل عصريه احس اني غريب الدار
اخافك يالغروب ومن خلقني الله ما اطيقه=احس ان الفراق ايدور في جوف السكون اعصار صح لسانك اخوي محمد راقت لي كثيرا وعشت معك التفاصيل بكل صورها تقبل حضوري |
اقتباس:
بالعاده كل قصايدي على الكيبورد طبعا مرورك شهاده لابد منها لكل قصيده اكتبها في المنتدى لك كل التقدير |
اقتباس:
اشكرك تشجيعك يدفعني للكتابه اكثر كلماتك اكبر من كل قصائد محمد الجبيل وتواجدك هنا يكفيني لتقديم المزيد بكل صراحه وللامانه ردودك تشبه بريق القصائد |
| الساعة الآن 01:35 PM. |