انا حزني ــ من بداياتي بالشعر ـــ
 

[poet font="Arial,5,white,bold,normal" bkcolor="transparent" bkimage="http://eds.jeeran.com/love2.gif" border="none,4,gray" type=1 line=200% align=center use=ex length=0 char="" num="0,black" filter=""]
يابنـت أناحزنـي طغـابـي بدنـيـاي=وشخصـاً طغابـه حـزن لاتقربينـه

كان الفرح همك فلا تقربي إحماي=ثـوب الحـزن بنصحـك لاتلبسيـنـه

يابنـت ذا الحـزن رمـزي ومـبـداي=وروحي وسط موجه تثنى رهينـه

لايغرك الملبس ولا ضحكةإشفـاي=ياماورى الضحكـه جروحـاً دفينـه

وإذا مشيت الدرب لاتتبعي إخطاي=دربــي وعــر يابـنـت ماتحرزيـنـه

ارجوك روحـي واتركينـي بدنيـاي=مانـي هـذاك اللـي بحلـمـك تريـنـه

وإن كان قربـي معجبـك شديمنـاي=وقلـبـاً نـوالـك خـيـر لاتجرحـيـنـه


وسلامتكم


عبيد السبيعي

كتبت عام ـــ 1411 h
[/poet]

[SOUND]http://www.al7an.com/songs/moseqh/kobleeh10.ram[/SOUND]

عبيد السبيعي
 

الأ خ الغالي عبيد السبيعي

صح لسانك ياشاعرنا الرائع والمبدع

اخي الفرق الزمني تقطعه القصيده بعمق واحساس كاتبها والروح الشعريه المترتب

عليه الموقف0

فهي تحاكي الوجدان بما فيها من الأعتزاز بالذات والامل بالقادم بعيدآ عن الجروح

والعوده للماضي0

عبيد السبيعي شاعر يتجلى في قديمه بأ بداع الحديث

اخوك0 نقرة حضوضى

هلا والله وغلا اخووي الغالي عبيد السبيعي
صح السانك وسلم بنانك
الله يعطيك العافيه صراحه كانت بدايت موفقه
وهذا موب غريبن عليك طال عمرك
لا هنت يالغالي
تحياتي لــك ..

ايه معجبني يالسبيعي واقولها قدام الناس كلهم

والله معرفك مير ذكر العرب فيك ؟؟؟؟؟كلن يقول انك من من الطيب مولود

صح لسانك اخوي عبيد

وسلمت اناملك

وعسى ايامك دايم فرح وسرور ولا يجيك الحزن

وتستاهل الاعجاب وتلفت عيون الناس

ودليل الاعجاب كلام الاخت شما وهذي كلمت حق

والطيب اللي طيبٍ عند الاجنــاب 000 ويدرى البناخي عن كــلامٍ يعيبه
يهتم ويحسب ويحسب له حساب 000 واليا ضرب تلقا ضروبه عطيبه

وتقبلوا تحياتي

اخوكم/ سلطـ الوفاء ـان

صح لساااااااااااااااااااااااااانك يالسبيعي ولاترد شما عزالله انك الطيب كله
يالاجودي سجل اعجابي

اخووووي الغالي واستاذي القدير


نقرة حضوضى .....


صح ابدنك ولاهنت عسى عمرك طويل ....


ولاهنت على كل هذا الإطراء طال عمرك ...


تحياتي وتقديري


اخووووك


عبيد السبيعي

اخووووي الغالي


المستشار ....


صح ابدنك ولاهنت عسى عمرك طويل ...


تحياتي وتقديري


اخووووك


عبيد السبيعي

اختي الغاليه


شـمــا ...


صح ابدنك ولاهنتي عسى عمرك طويل ...


ومشكوره على مشاعرك طال عمرك ..


تحياتي وتقديري


اخووووك


عبيد السبيعي

اخووووي الغالي


سلطان الوفاء ...


صح ابدنك ولاهنت عسى عمرك طويل ...


سبحان من ظـني بـه الــيـوم مـاخــاب .......... ربً رفـع قــدري مـقـامـن وهــيـبـه


وان كـنــت ياســلطـان للعـلـم طــلاب ........... فـالـعـلـم جــاك ولا سـعـيـنـا بـعــيـبـه


واللي شرى بالسوق قبل امس جـلاب .......... هــذا جــوابـي وان جــهـلـتــه مـصــيـبـه



تحياتي وتقديري


اخووووك


عبيد السبيعي