منتديات الـــود - تصدق وإلا ما تِصَدِّق .. أنا عَاجِزْ عَـنْ التفكيـر

تصدق وإلا ما تِصَدِّق .. أنا عَاجِزْ عَـنْ التفكيـر=تعَالْ وشُوفْ في عينِيً غِيابكْ وشْ عَمَـلْ فينـي
حبيبي ما بُقـى عِنـدي صَبـرْ .. يتْحَمَّـلْ التأخيـر=رَحَلتْ .. وعِقبكْ الدنيا غلاهـا طـاح مِـنْ عينـي
أجَاوبْ اللِّي يسْألني عَنْ أخْبَـاري وأقـولْ بخيـر=وأنـا لا خِيـر بغيـابـكْ .. ولا حَـاجَـه .. تهنيـنـي
علـى طاريـكْ كِـلْ لحظـه .. ولا أحـتـاج للتذكـيـر=حَريصْ القلـب مـا ينسَـى عيونِـكْ , لا توصينـي
مَحَدْ يِقْـدَر يعَوِّضْنِـي لأنِّـكْ .. فـي عيُونـي غيـر=ومَهْمَا شِفتْ أنا الفرحَـه .. بدونِـكْ مـا تسلينـي
وكيف الحَالْ وشلوني .. جَوابٍ ما يَبـي تفسيـر=بدونِكْ إنتْ , ما تِضْحَكْ حَياتي وترْمِشْ سنينـي
مِثلْ شَاعِرْ عِجَزْ يوصَفْ شعُوره وخانه التعبيـر=أنا ضايع .. ولا أدري مِـنْ فراقِـكْ .. أنـا وينـي
مِثلْ طيـرٍ كِسَـرْ بُعْـدِكْ جَناحَـه ومـا قِـدَرتْ اطيـر=أحَـاولْ أبْتِسِـمْ وأنْسَـى ولكـنْ وشْ ينسينـي..؟!
أشُوفِكْ في صباحي إنتْ مَعْنَى يـا صبـاح الخيـر=وأشُوفِكْ في مَسَائي حِلْـم وردي .. لا تصحينـي
تِصَدِّق .. السَهَر يَرْسِمْ عيُوني ويتْقِنْ التصوير=ويشِقْ النُور في صفحة حياتي .. ومـا ألاقينـي
أنامْ شلـونْ ومشكلتـي عِجـزتْ ألقـى لَهَـا تدبيـر=طِلَبـتْ النُـومْ .. لحظاتـه وعيَّـا الـنُـوم يعطيـنـي
تغيَّر وجْهَي .. مِنْ أوَّل غيابـكْ وإبْتِـدَى التأثيـر=حبيبي .. مِنْ التَّعَبْ كافـي خذيـتْ اللِّـي يكفينـي
يا أغلى مِنْ رَحَـل عنِّـي يـا كِـلْ الحُـبْ والتقديـر=تعَاااااالْ إنْ كان لِي عِنـدِكْ مَعَـزَّه وكـان تغلينـي
تعَالْ: إنْ كِنتْ تعشقني وإذا فِعلاً تبـي لـي خيـر=تعَالْ: ومِدْ لِـي .. كَـفْ الوَصِـلْ .. وآمِـدْ كَفينـي
إذا كانْ الجِفـا واجِـبْ بـدى مِـنْ قلبـي التقصيـر=أبيـكْ الحِيـنْ .. تِرجَـعْ لِــي ولا تِـرجَـعْ تخليـنـي
أنا ما أقـولْ اللِّـي صَـار فِينـي مـا هقيتـه يصيـر=لأنِّي كِنتْ .. ( مِتأكِدْ ) .. بأنْ البُعد (ينهيييني)