|
الشعب السعودي شعب مكافح وصبور لله دركم
السلام عليكم ورحمة الله وبركاته
إلى كل سعوديه وسعودي...... شعب شعاره((فلها وربك يحلها))بكل مايعنيه هذا الشعار من معاني وفوائد....! أولا//على الرغم من الضائقه الماليه اللتي يعيشها أغلب الشعب والتطفير والفقر اللي يشع من عيونا.... *إلا أننا أكثر شعب بالعالم نتسوف وشغالين مقاضي من سوق لسوق من محل لمحل....مايمديك تسمع بكريم نازل جديد رائع رهيب فلله.....إلا وخللص... بلوزه حلوه في المحل الفلاني تعال((إفلقني))إذا لقيتها في أي فرع من فروع المحل.... ثاننيا@ من ناحية الدراسه... عندنا أسوءالجامعات والمدارس أنضمه وقوانين ومصاعب....وتعقيدات... مباني قديمه وخربانه..... قاعات مكسره((إذا جيت تدخل قاعه متاهه لازم تتأكد من كل بلاطه إنه ثابته في مكانه... تفاديا لأي تعكرف والا طيحه تسبب الفشله)) مكافأت الجامعه// تخيلو كليتنا نزلو مكافئتنا على البنك بعد معاناة دامت سنين...من التسليم باليد...وبعد فتره ووجيزه....تطقو الكليه والبنك ورجعو نضامهم القديم)) القاعات//مافي مكيفات ترم كامل حر وكتمه تدرون ليه? برضو لأن الكليه تخاصمو مع الشركه المسؤله عن التكيف واحنا اللي ضايعين بالطوشه..... وفي المقابل شعبنا ممازال شغال تعليم وطلابنا كثير بالجامعات والمدارس ... واجبات... بحوث تعجيزيه... إمتحانات صعبه... أنشطه..... نضام تراكمي من أول ثانوي.. قدرات.... تحصيلي.... تخصصات ترضي طموحات القلييييييل.... ومازال طلابنا يحصدون ال99بالمئه وال100..... ثالثا//سقط سوق الأسهم سقطه موجعه وضربت ضربه قويه...... والمؤشر.. أحمر أحمر أحمر والشراء أخضر أخضر أخضر ومازال الشعب شغال بالأسهم خساير ..... رابعا//بناتنا يقولون... عيالنا شيون ...مايدلون طريق الرومنسيه خشنين...أنانيين... وعيالنا يقولون... بناتنا دلوعات مايتحملون مسؤليه...مهوهم غاليه.. ومع ذلك الزواجات على أفى من يشيل ماشاء الله... القاعات فل والمشاغل زحمه وماليزيا تشتكي.... ماعندنا أماكن نتمشى فيها لاطبيعه ولاتطور((زين طلعت الفيصليه والمملكه حللوها تحليل)) فماذا فعلنا... إفترشنا المخططات.. متترنا الأسواق... شوارعنا محفره مكسره وفوق كل هذا نعاني زحمة مرور... ذا الموضوع لكل سعوديه وسعودي مكافح.... سلخته الشمس وأعدمت جلده.... أتعبه الكبت وكتم نفسه... قتلته الواسطه وحطمت آماله.... صامدون سنعيش سنلعب سنحب ونقول الحمدالله على كل حال..... لله دركم شعب قوي..... *********************** حبيت أنقل هالموضوع وأشوف رأيكم فيه بصراحه تااامه؟؟ م/ن.... |
وعليكم السلام ورحمة الله وبركاته
وانا حبيت نقلك للموضوع، .. واكتفي براي .. بتعليق بسيط : نعم، .. الموضوع فيه من الصحة كثير ، .. تشكرات كثيرات خانم . |
اقتباس:
تواجدك أسعدني ومنوور ومشكور على صراحتك ودي وتقديري.... |
فعلا لله در شعب قال عنه احد علماء الغرب
الشعب السعودي اذكى شعوب العالم لانه تخرج من الجامعه ولم يصاب بالجنون وقيل عنه في اغنى دول العالم هناك فقراء يعيشون كالاغنياء ورغم الصعوبات والتحديات صامدون كلي مشاعر انحني لكي احتراما وتقديرا |
لايسمعونك .. والله يحبسونك:) / / إنتــَـــــــــــر |
اقتباس:
مشكوووووور .....من ذوقك ....تواجدك الراقي أسعدني.... لاكن لاتنحني إلا لله سبحانه وتعالى.... |
اقتباس:
هههههههه ترى خرعتني.....بسم الله عليا.... ماقلنا شي إشبنا......... عالعموم أضفت نكهه للموضوع ^_^ تواجدك أسعدني.... |
هلا بكووولي ....
انا ضد ما كتبتيه لاني ارى أن الوضع المااادي والاقتصااادي لشعب السعودي تغير كثيرررررررررر ا عن زمان وتووفرت كذلكك الو ظااائف لان هناك من ينظـــر لمشااكلنا با حثا حلولا لها لك الحمد يالله .... ولكن معك في ان الكليات والجاامعات ليس هناك من يهتم بها ..... لدي الكثيــــــــــر ولكن الوقت لا يسمح لي لك كل الشكر كوولي في انتظـــار جديدك القادم |
اقتباس:
لم أكتب بل نقلت لأرى رأيكم بصاحبة الموضوع وماطرحته.... عجبتني صراحتك يالغلا........... ومن وجهة نضري أنا...... أحس إنا عايشين بنعمه وخير...والحمدالله..... ودي وتقديري.إحساس... |
كلي مشاعر آشكرك من القلب على الرائع وأكثر موضوع لامس آوجه حياة عشناها ومازلنا نعيشها تحت شعار : يابلادي واصلي والله يحميكِـ ..يحميكـِ إله العالمين تقديري لكـ .. |
| الساعة الآن 11:32 AM. |