منتديات الـــود - علـى مبـدأ فمـان الله ياخلـي / تذكـرنـي

علـى مبـدأ فمـان الله ياخلـي / تذكـرنـي

على مبـدأ الفـراق المـر ياخلـي فمـان الله
وعلـى مبـدأ فمـان الله ياخلـي / تذكـرنـي

وعلى مبدأ تذكرني تذكـر حبنـا وش جـاه
تذكّـر قـد مـا تذكْـر.. ولكـن لا تفكـرنـي!!

ابسافر من أعماقك على جفن السهر لرخاه
(وأبنثر دمعة عيون السهر) لكـن تصورني

تصورني مثل ليـلٍ بهيـمٍ ..(حالـكٍ) مسـراه
ليا ضاعت بي دروب المسا والدرب حيرني

وقفت.. من العنا تايه على حده ويا مقســاه
يسندّنـي علـى هـم .. وعلـى غـمٍ //يحدرني

وتصورني مثل طفلٍ..يتيـمٍ.. مـد لـك يمنـاه
تنهت وانكـسر صدره يقول: الوقت قاهرني

تثاقل دمعتينه فـي عيونـه.. والزمـان ابكـاه
وأنا لولا (دموعه وأنكـساره)ويش يسهرني

نعت كل الصخور وقلبك القاسي عجز ينعاه
تعاليت وتكابرت وعلى الصدمات تغمرنـي

والى مني رحلت ورحت لاتسئل عن اللي تاه
ابي تسئل..عن اللي سابني.. وقفى وبعثرني

والى منه طرى اسمي على بالك..ابي تنساه
لان اسمك على بالي..ترى ما عاد يحضرني

مدام انك تثاقلت الصور من ذاااك ..حتى ذاه
اجل ماني بحاجة شخص..عمره ماتصورني

واذا قصدك تحقر القلب..(فيمـا أٌنذكر اعلاه)
لا والله ..وحشى..لانته.. ولاغيرك بيحقرني

ابي تعرف.. (بأني حالةُ في الحب مستثناه)
أدوس القلب واعروقه.. ولا مثلك يسيرني

علي نذر ويمين.. اني لعلمك الجفا وارداه
واعلمك التحدي في غرامي وكيف تخسرني

وبعلمك الشموخ اللي رفع راسي ولا وطاه
واعلمك انحناء الـذات.. للـي مـا يعبرنـي

والى اشتد الغرام وهزني..(يالعنبو مجناه)
ابكّسر مجاديـفه.. !! ولا والله / يكســرني

انـا مانـي حبيـبٍ لا خذلتـه بالهـوى تجفـاه
انـا لـي خافـقٍ (يالعنبـو حيـك) مكبـرنـي..

للشاعر / محمد بن ساقان

نالت أعجااااااااابي