بس عندي ملاحظه بخصوص توقيعيك انا ماني شايفه غلط لو وحده دخلت ملفك الشخصي

سبحان الله مو اي شي يصير معناته عين او حسد هذا قضاء وقدر ,, صحيح مو كل شي لازم الناس تعرفه والرسول صلى الله عليه قال( اقضو حواجكم با الكتمان ) لان العين حق لكن الواحد يحصن نفسه با لايات ولا اذكار ما يجيه شي قال الرسول صلى الله عليه وسلم (من قرأ بالآيتين من آخر سورة البقرة في ليلة كفتاه) لو سورة البقرة يقراها وما يجيه شي ولو يقول حسبي الله وانعم الوكيل 7 مرات تحفظه ايضا ,, مو لازم يجلس يقراء على نفسه طول اليوم وعند كل الناس ,,لا مره وحده في المساء ومره الصباح مع اكل 7 تمرات وخلاص وتؤكل على ربه ويحفظه ..


بصراحه تخوف الناس من العين والحسد بدون اخذ با لاسباب اصبح مصيبه من مصائب الزمان قضيه تبحث عن حل ..

على طاري العين اليوم كنت عند احد صديقات المقربات جدا وكانت مالها الا سبوع شاريه لها جهاز جوال فرحاانه مره فيه وكانت كاشخه فيه جدا وجاءها اخوها من ابوها وقالها عندك جهاز مو مثلي يحسرتي ماعندي جهاز حلو مثله ويناظره >> طبعا يمزح . مو معقوله بيتعمد يصقعها بعين لانها راح تعرف انه هو لكن المسكين ما يعرف ان الجهاز على حظه بيخرب وبتلصق في راسه التهمه نحسبه كذالك والله حسيبه مادري بس هذا رايي المــــــهم

وصديقتي من الناس الي ما تهتم في الجولات راميته في يد الاطفال وفي كل مكان والجهاز طبعا حساس وقام يعلق وصارت فيي الجهاز مشكله لابد من اصلاحها على طول وبدون مقدمات جلست تدعي على اخوها تقول والله عطاني عين من الحسد صار كذا بالجوال لانه قالي انه ماعنده جوال مثل حقي والله عطاني عين وتحسب وتدعي وتسب وتشتم ..

غريبه ليش ما قالت انها هي الي رمته بيد الاطفال او انه سقط على الارض مثلا او انكب عليه ماء او اي شي بس على طول عين ؟؟!!


يعطيك العافيه وااعتذر منك على الاطاله بس حبيت الشاركك بذكر موقف مشابه للموقف الي ذكرتيه داام نبض قلمك تحياتي ..