يومين صايـر مـن كبـار الهواميـر=نزلـت بأرقـى فـنـدقٍ بالريـاضـي
جميـع وجباتـي مـذاق المشاهـيـر=(الشيـف) (طونـي) واردٍ للحياضـي
متحيـزم وقدمـه تلامـع سواطـيـر=وبيدينـه الآت و محيقيـن فـاضـي
النـاس مـن عنـده ورود ومصاديـر=كريـم!! وبخشـم الزريقـاء يقاضـي
ياطوني (اكسزيوزمي) (ابليز) (كم هير)=عطنـي عصيـر مهـدّيٍ لانتفاضـي
قفـلّ عليـهّ وانشلـع ها(لاصنصيـر)=تسبدي تقلـبّ والضَغَـط بإنخفاضـي
ماكنـت متوقـع تـجـي بالتعاكـيـر=ظنـي وخيبـتّـه ..وزاد امتعـاضـي
ماتلاحـظ إنـي غــارقٍ فالتعابـيـر=الا وش اللـي جايـب لـك بياضـي؟
ماونست لفـح سمومنـا والتساهيـر=وسَوق الطروش ومتعتـة بالفياضـي
ومطارد الضبـان وعشـق الصقاقيـر=والفرحة الفرحة ليـا البـرق ناضـي
ارخا لي أذونه تقـل خيشـة شعيـر!!=عقلـة مجيّـم مافتهـم وش غراضـي
بغيـت أطسّـه مـار مـاودي أثـيـر=مشاكـل ٍ زد قِفِلـت عصـر ماضـي
وميلّـت يـمّ أنعـام ربـي مزابـيـر=والشوكة الشوكـة سبـب لغتياضـي!!
يومي شكرت وجيت ناوي وأبااسيـر=مدّو لي (القرنال).. عشقـي عكاضـي
ثم ابتسـم واظهـر حفيظـة فواتيـر=مكتـوب فيهـا جملـةٍ مـن مقاضـي
(فور هندرد) والعـذر منكـم لتقصيـر=مافيه واحـد سالـمٍ...لا غضاضـي!!
وتارد هواجيـس الطـوارئ طوابيـر=حالـة تأهـب وإرتقـاب انقضاضـي
لكن ربـك نـاوي لـي مـن الخيـر=سمعـت صوتـه داعـيٍ للتـراضـي
دفعـت مرغـم بعـد خنـق وتعافيـر=واللـي كليتـه بـس جبـنٍ وباضـي