ان كـان لليـوم مـا ادركـت معنـاي=وش لي فـي قصيـدي وليـه ترديـده
وان كـان تجاهلنـي او منـت معـاي=بكتـب واقـول ثـم اكتـب واعـيـده
يمكـن بلحظـه انتـي تحسيـن ويـاي=لاغرابـه يبسـم حظـي مهـي بعيـده
بس وشلون .. وكيف تجيني و" ازاي "=في طريق " دايركت " على طول "سيده "
انعطافات الطبـع وانـت علـي جـاي=تذبـح قلبـي وهـي عذبـات أكـيـده
عيبي خجل واملك زيـاده مـن حيـاي=راعنـي نحسمهـا والطـرق عـديـده
حلمي في خيالي هـو حبـي وهـواي=بـأرض الواقـع كيـف لـي بتجسيـده
لاتقول : فيـه غيـري وتلقـى سـواي=وانتـي بكونـي اشـوفـك الوحـيـده
انا بحراك واحـس انـك فـي حـراي=لكن اخـاف جـرح الصدمـه الشديـده
اللي بيننـا "اخبـارك" قبلهـا "هـاي"=والخافـي أعظـم بالقلـب ووريــده
يامبـتـدا الـحــب الا يامنـتـهـاي=الـدم والـهـوا لآدم بـيـش تفـيـده
كان ماتـدري وربـي عليـك رضـاي=وان كان تـدري هـات اجابـه مفيـده