|
ياناس ياأصحاب الضمائر
ياعم تـدري لـو تشوف اللي نشـــوفه وش تقول؟ * ياعم والله لـــو تشـــوف اللي نشــــــــوفه تنصدم
ياعم حــنــا ماذبحـنـــا الا الـلـقــافــه والفـضــول * لـيــن انـجــرفـنـــا مع هوى الأنفس وزلات القدم ياعم لـن بعنا ذممنــــا والعــــوايــد والأصــــول * لاعـــــاد تـشــره لــو تشــوف الـذل معنا منسجم خنا تقـــاليـــــد العــــروبه لارقيب ولاعــــــذول * ولاعـــاد حـنـــا لاعــرب مـبـــدا ولا حـنــا عجم ياعم حـتــــى زاهـيــــات النقش ربــات الحجول * شفهـن عـلــى الشــاشـات فالجـــوال جرن للخمم ياعم والله أسـتـحــي لاكمــل الهــــرجه وأقــــول * أشياء لهـــا يندى جـبــيـــن الحـــر وتســر الغشم بهــايم تستــــر بالمخــــزي وتقــرعله طبــــــول * لادين . لاشيــمــة حـــرار . ولاضميـــر ولاذمم شف كـيــف صـــارن هالقـوارير اللطيفه للخبول * لعبه بعد مــاهي شحــم مصيـــون مرمـيــه عظم وشف كيف صار الذل يقصـدنا وحنــا له خيــول * والشــر ولـــع في قـلــــوب النــــاس توليعة فحم ياعم شوف أشبالنا الغــالـين تربيــــة الــزحـــول * راحو ضحايا موجــة التــيــــار وأحــــلام الوهم أغـلبــهم اللي مع رفــاق السوء بآمـــاله يجــــول * يقلب الجـــــــــــوال بـيــديـنــه تقل شــــايــل لغم شف كيف صاروعقب غيرتهم على أسماءوبتول * يدبسـون أقـبـــح صــور فيـهــن بـتـركـيـبــة فيلم حسبي عـلـيـهـم شوهـو صورة عدوات الأفـــول * مـن عقب مــاهـن كـوكبٍ سـاطع تشـــوه وأنظلم شف كيف صارن عنصـرٍ منبوذ وردات الحقول * وأكبــر دليـــل الصـــوره اللي جامعه خبل وخدم ياعم وان قـالـــو بـرايك معـهــن مبين مـيــــــول * أقـــول فـعــــلاً دونهـــن بـالعــــــز أدافع وأحتدم وان قالو ان الـذنب منــهـن قـلـت للي لي يقـــول * ياابن الــحــــلال النمـــل يابشعه ليا شاف الدسم والمفترض حتى ولو شفنـا عـن السكــه جفــــول * نستـــر عـليـهـــا لـيــن تصحى زين وتذوق الندم يانـــاس حـنـــــا مــاتربـيـنـــــا ببكين وسيـــــول * حنــا هـــل الدين وهـــل الـطـبـع المشرف والقيم والســتــــر وصــانا عليه بساعة البلوى الرسول * نحتاط والبلـــوى ليـــامـن جــات يـفــرض تنكتم وش لـــه نبث علومنا الهزلات في كل الفصــول * اللي بـــــــــلاه الله يـــروم السـتـــــر دام انه سلم وش لــه نشــوه صـورة الاسلام ونبث الذهــــول * ووش له نضيع ماضي أهل الطيب ونخون الشيم ياناس ياأصحاب الضمائرهيه ياأصحاب العقـول * ياآبائنا لايصــيـــــر الأب بموقـفـــه هيــكل وأسم أصحو ترى هالوقت ماينجح معه غافل كســـول * والتـربـيــــه مــاهي حكي فــارغ بلا جهد ورسم يحزني الواقع ولاأدري ويش أسوي بس أقــــول * وآهم قـلــبـي مـن بـــلاوي الــوقت وآقسـمـه قسم راشـــد فــــارس |
|
السلام عليكم ورحمة الله وبركاته مهد الذهب صح السانك ولاهنت |
دلع نجد اشكرك على مرورك من هنا وعلى الحضور والف شكر
|
احساس شاعر الف الف شكر على الحضور ولك الشكر الف شكر
|
من جد ابداع من واقع
تسلم اخوي صح لسانك مليوووووووووووووووووون اختك بدويـــــــــــــه |
بدويـــــــــــــه مليون شكر على الحضور والك تحيه
مهد الذهب |
مهد الذهب صح الساانك
وتحيتي لك |
عتيبي الف شكر على الحضور الف تحيه لك
مهد الذهب |
الشاعر راشـــد فــــارس العزيزي
صح لسانك قصيده رائعه فعلا من شاعر يجيد التعامل مع الكلمة الشعريه ويعرف كيف يطوع الحرف ويرسم القافيه تحياتي لك نـ(ال مشعان)ـواف® |
| الساعة الآن 04:35 PM. |