--------------------------------------------------------------------------------

قصيده ماأعرف هل قصتها صحيحه أو لأ بس أنها أعجبتني كلماتها
وفركتها وحبيت أنقلها لكم تشوفونها
وان شاء الله تعجبكم


وصاتي لك من بعدي تموت فيها على شاني
ابيها تعيش وتحيا بك واظل بالذاكره مفقود
وصاتي لك تنسيها ملامح وجهي وتنساني
وتعزف لها قصيدة حب عكس اللي عزفته بعود
تراها مغرمه بالحيل ويشهد لي عدد الردود
وصاتي لك تسايرها ترا فيها من احزاني
طلبتك لايضيق بالك طلبتك والطلب مردود
وصاتي لك تناديها عمري ..حياتي ..وازماني
انا عودتها دايم ادلعها وانا موجود
وصاتي لك تعاملها بطيبه قلب واحساني
تراها تذرف الدمعه ودمعتها بدون حدود
وصاتي لك تحفظها سور وايات وقرآني
وتخبرها عن الميت رحل لايمكن انه يعود
وصاتي لك ترسمها على قبري واكفاني
ابيها لوحه تبقى على طول الزمن محدود
وصاتي لك تمازحها وتشوف الضحكه على اسناني
سعيتك ياضحكه الكون طلبتك لاتكون جلمود
وصاتي لك تقهويها من دلالي وفنجاني
ترها تعشق السمرا ويكفيها دخون العود
وصاتي لك تركبها على خيلى وعلى حصاني
وربي فارسه من قلب شهاده ماهي شهاده شهود
وصاتي لك تسفرها بلاد الشام ولبناني
ترى يحلالها تقطف ورده من بلاد الورود
وصاتي لك ترقصها على الحان رحباني
ترى فيها من عرق الخاله وفيها من جنون السود
وصاتي لك تحببها فابو نوره من بعد هاني
وتنسيها ندم غلطه انا فيها ترى مقصود
وصاتي لك تكرهها في تاريخي وعنواني
ابيها تلعن اللحظه وتلعن كل فرح موعود
وصاتي لك تكلمها عن المجني وعن الجاني
وتخليني انا الظالم وانا من حرق الخدود
وصاتي لك تشبهني بدم احمر قانـــــــــي
وانا هالقاتل السفاح مجــرم من عصر نمرود
وصاتك لك تحلفها تتوب تحبيني ثاني
ترا يكفيها ماعانت ويكــفي حيلها مهدود
وصاتي لك تنسيها قصيده قالها لساني
انا اخبرك رجل موقف وانت قدها وقدود
صديقي مالقيت غيرك يعرف وشلون تنساني

امانه ضمها بقلبك ...ترى خـــــــــــــــــالد ... رحل مايعود