منتديات الـــود - ©؛°¨°؛©][ الفــــراق الصعــــــب ][©؛°¨°؛©

ياليت الهاتف اللي جاب صوتك ماتجيه قطوع "=" ياليتك ماتفارقني ولا تطري توادعني
أبيك تسلي الخاطر وأسلي قلبي المفجوع"=" بعد فرقاك يوم إن الليالي منك تقطعني
لو إنك شفتني بعدك وانا عيني تهل دموع"=" لو إنك شفتني يوم الفراق الصعب يفجعني
ترى حالي بعد فرقاك حال التايه الموجوع"=" غريب في ديارك والدواء ماعاد ينفعني
ولا ينفعني إلا الشوف وإلا صوتك المسموع"=" بعد ماضاقت الدنيا بوجهي لاتلوعني
أبا أسمعك صوتي وإنت كلمني بكل أسبوع"=" أمانه كل راس أسبوع صوتك لايقاطعني
تشوف الأرض لاجاها الحيا وأستبشرت برجوع"=" تراني مثلها صوتك على الدنيا يرجعني
تجي مثل الحيا وسط الصحاري والحيا متبوع"=" يبل القاع وإنت تبل ريقي بس تمنعني
وترى مافيه عيب إني عشقتك والهوى مشروع"=" لو إني خابر إنك منت حولي بس تسمعني
أنا لاغاب صوتك صرت من كل البشر مقطوع"=" ماشوف إلا أنت مخلوقٍ على الدنيا يمتعني
متاعي في حياتي والرجا في شوفتك ممنوع"=" عسى ربي يمتعني بصبرٍ مايضيعني
أحبك والمحبه تختلف مابين نوع ونوع"=" وحبك نوعه النوع الشديد اللي يروعني
أحبك بالمسامع والمشاعر والضما والجوع"=" وبكل احساس صدقٍ بالمحبه فيك يجمعني
وصعيبٍ من صعوبة حبة الرجال راس الكوع"=" وأنا ياما نهيت القلب عنك ولا يطاوعني
وتغيب وتتبعك دقات قلبي بين غصب وطوع"=" وأنا مابين بعد وقرب وين الله موزعني
وكيد أنك بعيد ولا يبي له بحث هالموضوع"=" لكن القلب لامنه سمع صوتك يشجعني
يشجعني على التفكير فيك ويجري الينبوع"=" مثل مجرى العروق بدمها والشوق يدفعني

مع تحيات