ياهوى النفس وقفلي ملي يالنظير = حال بيني وبينك حب مني غلاوي
وقف اليوم لا يمــي بدربك تسير = واعرف الحال من بعدك تراها شقاوي
يامسا العمر ياروحي صباح العبير = واعرف القلب للفرقى ماهو لك بناوي
لكن ظروفي عيت وفيه أمــرٍ خطير = بغفلةٍ من فؤادي شاد ذاك الخلاوي
هو خلف والديني غاليٍ هو كسير = يكـسر الروح وقلبي شال منه البلاوي
توه بعز عمره في ربيعه صغير = قال: احــبه وقلت اليوم وين المداوي
يوم اقــبل علي من الفرح كالأمير= ابشرك يا أخوي اني انا اليوم هاوي
صار قدام عيني يلف وهو يستدير = ويتغزل وكن الصوت طيرٍ مــناوي
تعب القلب كني منه في زمهرير = شف لساني على الكلمات ماهو بقاوي
ليت منهو يدلن ماقويت المسير = اذبحوني وصمت الحب بالصدر ضاوي
آه ياقلب لوني في هواه استخير = وارتجي من إلهي كل ذيك الدعاوي
ياهوى اليوم وقف ولك مني تفسير = حال بيني وبينك لي شقيقٍ زهاوي
طالبك ياإلهي روح بك تستجير = , انت ربي ولالي عنــك اية غناوي
مالك الملك كل امرٍ بأمرك يسير= برحمتك ظللنا ياللي لدنياك حاوي