|
البنـــات والمنتديــــات! ! !
السلام عليكم ورحمة الله وبركاته
هذا موضوع لأحد الاخوه في احدى المنتديات اعجبني وحيبت انقله لكم // \\ // \\ السلام عليكم ورحمة الله وبركاته ايه اعترف كنت غلطان كنت أظن ان المنتديات عديمة الفائدة للبنات وكنت أظن أن الواجب يكتفوا بقرأة كتاب او يسمعوا شريط فهذا هو اقصى حد لهن من يوم بديت بالدعوه من خلال المنتديات تبدلت نظرتي في ايام .. ولقيت من خلال الإشراف في المنتدى الإسلامي هنا او مكان آخر أنهن والله يعلم أكثر الناس مشاركة .. ويحرصن على العلم بجميع فروعه اعجب من التزام بعضهن .. واقول كم كنت غلطان اعجب من بعض المواضيع التي لا يأتي بها إلا من هن على درجة كبيرة من العلم الشرعي اعجب من بعض المواضيع التي لا يأتي بها إلا من جربتها اعجب من سعة اطلاعهن علميا واجتماعيا اتعلم من بعضهن .. واقول كم كنت غلطان ندل بعض على الخير ...اساليب دعوه .. ادعيه .. اذكار .. مشاكل في المجتمع او الأسرة بعضهن فيهن جدال ... لكن ماهو مثل جدال بعض الرجال .. بصراحه والله يشهد .. اكثرهن يجادلوا للحق .. وماهو لفرض الرأي ... والى الآن ما شفت التشدد والتعصب والمبدأ الشهير الي تعلمت أتركه وراء ظهري .. انا صح وانت على باطل أقول للمتعلمة تعالي الله يجزاك كل خير نتعلم منك ... و اقول للملتزمة .. تعالي الله يجزاك كل خير نتعلم منك وتدعي لنا .. والي داخله ومافي نيتها لا تتعلم ولا تلتزم .. تعالي الله يحييك ... اقضي وقت فراغك هنا ولا تقضيه في شي ثاني ... و يمكن تكتبي كلمة اتعلم انا منها ... ومين انا لأجل ما اتعلم من اقل وحده علما او دينا .. ولعلي اقل منكن بكثير .. ولا حتى غيري يتعلم .. وغير كذا كيف كيف كيف نغفل عن قوله تعالى (ومايدريك لعله يزكى * او يذكر فتنفعه الذكرى ) شاهدت بنات التزموا .. ايه اعترف انا عن نفسي زدت التزام .. ايه اعترف فيه بنات خلوني ابكي .. من موضوع ولا رد ... تبون اسماء .. اعطيكم بس استأذن منهن على الأقل نكتب ويكتبوا ... آيات واحاديث او علم ينتفع به .. إن ضاعت بيننا ما تضيع عند الله ندعي لبعض .. ايه ندعي .. وبظهر الغيب .. واقول إذا دعوتي غير مستجابه عسى فلانه دعوتها لي مستجابه نرد على بعض .. نقوي الإخوة .. والي ما يفهمها بكيفه بكره يفهمها ... ولا عله ما فهمها كنت اخاف من الردود لين سألت اهل العلم .. ولما اقول سألت يعني سألت اكثر من عالم .. فقيل لي هل بينكم كلام فاحش .. هل بينكم غمز ولمز .. فقلت ما بيننا إلا قال الله وقال الرسول صلى الله عليه وسلم او شرح مشكلة اجتماعيه او برامج او علم ... فقالوا عسى الله ان يجعل اجتماعكم اجتماعا مرحوما .. وتفرقكم من بعده تفرقا معصوما .. ما احب أجيب فتاوى من عندي ولا افرض رأي ولا أجتهد على حساب عقول الناس اقول للي يظن مثل ما كنت اظن في البنات .. والله البنات فيهن خير كبيييييير انظر دائما للخير .. ترى الدنيا بخير .. ومافي داعي للتشاؤم ( ولو كنت فظا غليظ القلب لانفضوا من حولك ) البنت الصالحة يعني ذرية صالحة .. يعني امة قوية .. البنت المتعلمه يعني ذرية متعلمة ... يعني امه متعلمة أيهم افضل نفتح مجال مع بناتنا واخواتنا هنا في المنتدى للنقاش والحوار .. ولا نحط رجل على رجل ونقول الأغاني حرام اقرأي وانت ساكته .. يا بنت النقاب الفلاني غير شرعي .. اياك تردي برد .. عيب ولا تشرحي وجهة نظرك ..مشاكل العنوسه .. ما يهمنا وجهة نظرك ما يصير ... قضية فتيات نفق النهضة .. هذا رأي الرجال .. اسكتي واتعلمي ... وبعدين اقول انا حققت قوله تعالى ( وجادلهم بالتي هي أحسن ) اعجب اشد العجب للي يقول المنتديات فيها الفتنه لمجرد سمع قصة او الف قصة .. وودي اسأله الشوارع ويش فيها ؟؟؟ لو دخلت مستشفى والعاملات فيه كاشفات شعورهن ويش فيها ؟؟؟ البالتوك ويش فيه ؟؟ الجروبات الجنسيه ويش فيها؟؟؟ الجوالات والبلوتوث ويش فيها ؟؟؟ التلفزيون ويش فيه ؟؟؟ المجلات الجرائد ويش فيها ؟؟؟ .. اترك كل هذا واجي للمنتديات الي فيها مراقبين ومشرفين وادارة واقول فتنه ؟؟؟؟ يا بنات المنتدى .. انا تعلمت منكن كثير .. الله يجزاكم كل خير يا بنات المنتدى .. انا تغيرت بسببكن كثير .. الله يجزاكم كل خير يا بنات المنتدى .. ادعوا لأخوكم ترى والله ما اظن فيكن إلا كل خير ********************* منقووول لروعة الموضوع أختكم ليــــــــــــــــان |
وجهة نظري
أتمنى أن يعي ذلك الرجال وإن كان هناك شواذ قليل من بعض الفتيات لان الفتاة التي ستبحث عن الرذيلة ستجدها في الشات أو أي مكان آخر وبسهولة لبعدها عن الله وعدم وجود رقيب لها أما المنتدى فهو مكان يجتمع فيه الجميع لهدف واحد وهو الفائـــدة والإفـــادة مع وجــود الرقابـــة أختكم ليـــــــــان |
اقتباس:
يعطيكي العافيه ليـــــــــــــــان على النقل الرائع و اذا بعض الشباب وجدو ضالتهم من البنات الساقطات في الشاتات والمنتديات فليس معناه ان الجميع يتشابه ...لا وهذا لفت انتباه للفتيات هنا ان يكونون عضو فعال ينبض بالخير والبركه لاخوانهم في هذا المنتدى .... وكذلك العكس |
ريمـــا
يا عيني على كلامك يعطيك العافيو يا الغاليــة أختك ليـــــــان |
السلام عليكم
اولا : اشكرك على النقلة المفيدة وجزاك الله خيرا ثانيا: انا مع ريما وميصير التعميم على كل البنات انهن على خلق سيء ان احد شاف وحدة سيئة او اثنين او ثلاثة ومشكوووووووووووووووة مرة اخرى تقبلي مروري وردي رينوا |
منووووورة أختي
ويعطيك العافية على مرورك |
*
** السلام عليكم ورحمة الله وبركاته أولا000 كلمه لصاحب الموضوع جزاك الله الف خير عالموضوع اللي قليل جدا من الرجال يحب يعترفو فيه ثانيا000كلمه لناقل الموضوع ~~ ليان المملوحه~~ سلمت يداك عالنقل الرائع ووجهة نظرك أنا اتفق معك بها جزاك الله الف خير وأخيرااا000لكل رحلة طريقان طريق الخير وطريق الشر فعسي ان نكون ممن يسلك الخير دائما ورقابتنا الله سبحانه وتعالي وليس هنالك أفضل منه سبحانه عذرا عالإطاله ولكن موضوع أعجبني ودمتم000و ج ن ** * |
السلام عليكم ورحمة الله وبركاته
أول شي اذا كان الرجال صادق فجزاه الله خير ومايصير يقول كلام زي كدا على بنات المنتدى لأنو مو كل بنات المنتدى زي بعض دا شي وتاني شي ليا تعقيب على وجهة نظرك لموضوع الرجال دا وجهة نظري أتمنى أن يعي ذلك الرجال وإن كان هناك شواذ قليل من بعض الفتيات لان الفتاة التي ستبحث عن الرذيلة ستجدها في الشات أو أي مكان آخر وبسهولة لبعدها عن الله وعدم وجود رقيب لها أما المنتدى فهو مكان يجتمع فيه الجميع لهدف واحد وهو الفائـــدة والإفـــادة مع وجــود الرقابـــة أبداً ماشفت منتدى هدفه الاول الافادة والاستفاده وكل المنتديات اللي عشت فيها هدفها واحد وهوا نقل المواضيع وشكر صاحب الموضوع واتحدا واحد فاكر معلومة مهمة ولا فائدة واحده من منتدى واحد الا القليل نص الناس اللي مشاركين في المنتديات هدفهم يضيعوا وقت ولا يتعرفوا على بنات ولا الخ الخ هيا نشوووفكم |
على العموووم لازم نسمع راي الطرفين الشباب والبنات
وأصابع يدك مو زي بعض البنات كلهم مو سووا والشباب كلهم مو سوووا لو سمحتووو لازم نسمع راي الطرفين بليزززز والله لو ما بقي غير نسمع كلام البنات رحناا وطي بس لازم نسمع أرائهم وبكيفناا يا ناخذ به ولا نتركه ما نفكر فية هع هع هذي وجه نظري تقبلووو مروري |
وجـــن
الف شكر على تواجدك الرائع وروعة قلمك المبدع لا تحرمينا ردودك:wed11000: أختك ليـــــان |
| الساعة الآن 06:59 PM. |