يا عظيمــــــه
يا عظيمه كل شيء له حدود وله نهايه
لكن انتي ما وقفتي عند حدك يا عظيمه *** استلذيتي بطعناتي واخذتيها هوايه كن مالك حربة توجع وطعناةً أليمه *** آآآه ليتك ما تماديتي بطعنات البدايه لين صار لكل طعنة في الحشى معنى وقيمه *** الله يبيحك لكن كيف في أغرب روايه تكتبين الحب كذبة والهوى دقة قديمه *** وأنتي اللي كل ما لدة عيونك في المرايه ما لمحتي الا اليتيم اللي خذت قلبه يتيمه *** واليتيمه في اليتاما مالها حق الوصايه الوصيه عودها الغض ونواياها السليمه *** لكن انتي صار لك حق الوصاية والولايه واستبديتي وشدوا البدو واضحيتي مقيمه *** ما رحلتي لين حطمتي بما فيه الكفايه عاقلً حب الجنون وصوت نارك في هشيمه *** استبحتي حرمة المجنون بدراك وعنايه ولتفتي له بعقلك ورتكزتي في صميمه *** أمتلكتي غايته لو كان ماله فيك غايه وأنتصرتي في عيونه وأعترف لك بالهزيمه *** من كثر ما يعشقك ما قال لك بالحب رأيه خايف الأيام لا تطلع عواقبها وخيمه *** في طريفك كل ما كنه لمس درب الهدايه تاه في دروب الحياه المستقيمة مستقيمه *** تايه بصري ومن جابه لبيت الله تايه عذر من غمض بعين وعينه الأخر كريمه *** فدوتك ما فات من الأيام واللي عاد جايه يابعد عمرً مخاسيره معك عندي غنيمه *** انتي الفارع بقد وجد واسماء وكنايه من عشق مثلك يجوز من الهوى وشداد ريمه *** ليه لا وانتي بحسنك في ذوات الحسن آيه لا ذهب لا ماس لا ياقوت لا احجار كريمه *** شاعر له مع اهل الرآيات في المرقاب رآيه كل ما هبت هبوبك فلها قدر وحشيمه *** سامحك من آلف باء الذنب إلى مالا نهايه وأستباحك عن خطاه وكل طعنه بتعليمه *** ويوم قلتي أعطني حريتي أطلق يدايه ما ذخر عن وجهك إلا طعنتين في صميمه ************************** شعر/ ضيدان بن منصور بن قضعان تحياتي لكم :::::::::::::::::::::) |
والله الحلو من الحلو
سلام اخوي المرهف
والله ماقول ماخترت هذي القصيده لابو منصور الا من ذوقك وحسن اختيارك، والحلو مايجي الا من الحلو شاكرا لك اخوي المرهف;) ;) ;) |
.
مشكور اخوي و يعطيك الف عافيه على هالابيات الجميله |
الساعة الآن 01:43 PM. |