منتديات  الـــود

منتديات الـــود (http://vb.al-wed.com/index.php)
-   المكتبة الأدبية (http://vb.al-wed.com/forumdisplay.php?f=65)
-   -   معشوقتي !!! (http://vb.al-wed.com/showthread.php?t=287672)

روح صامته 17-01-2011 02:09 AM

معشوقتي !!!
 
معشوقتي !!!


البارحه يوم الهموم اتحط في الصدر وتشيل
الشـــــاهد الله ماحبست بمحجري دمع وفلت

الدمعـــه الــــي ماتهز اصدور ربعي ماتسيل
أكنـــها مثل الجمــــر ولا يقولـــــون : أنزلت

الـــــي وهو مافز لــــي وده يحملني جميل !!
أجيييه برجولي عشان اشكي له الحال ! أكملت !

ماكــــل مــــن شـــافك قوي يفرح ليا جيته ذليل
الناس لامن حست بضعف الشجـــــاع أستنذلت

بعيونهم ببقى مثــــل مـــــال للهبوب من النخيل
على كثر ماضـــــامها صــــفق اللواهيب أعتلت

وشلـــــون احس ان العذاب الي على متني ثقيل
وانا ادري ان الي تصبرني على الحزن أوصلت

معشوقتي وان ضف صـــدري من ليال الهم ويل
ياكثر ماشــــربت معي مــــن علقم الحزن وكلت

معشوقتي من عمر جيـــــل ومدرسة مليون جيل
معشوقتي رمز الســــــنين الـــــي تجلت وانجلت

الي علـــــى كثر المصايب كــــل مافيهــا جمـــيل
النـــــــاس لاكبـــرت تشين وذيك لاكبــــرت حلت

لامـــــن تثنت للهـــــــــبوب اتميل الـــــي مايمــــيل
وان مالت اعقـــــول الخفـاف من الرجاجيل اثقلت

كـــــن الكــــــلام ابثغرهـــــا مجرى سبيل بسلسبيل
مسترسله لـــــــــو ما ضميت ولاضميت أسترسلت

تقبل علـــــــى لون المســـا لاجـــــات مفتولة جديل
غصب"ن" على أعيون النساء مايرمشن اليا اقبلت

عشقتها !! لني مـن الـــــي يعشـــقون المستحـــــيل
صدقتها !! لانهــــــــــا لاقالــــــــت القــــــــول أفعلت

الترفه ! الـــــي تنطح الفريــــــس وتفك الدخـــــــيل
ما برجـــــــال الـــــــــي تحملني كثـــــر ما استحملت

لو كـــــــــــل خلــــــــق الله ملو ماتمـــــــل ولا تميل
لن الرجـــــــــــال ابهزمن قلـــــو هذيك استـــــرجلت

يوم ان وقفتــــــــهم معي من بــــــــاب مايخدم بخيل
هذيك ماهــــــــــي بوقفت جنبــــــي هذيــــك اتبهذلت

خانو ! وهــــــــي ماخونت ,عالــــــو ! وعيت لاتعيل
تبدل كــــــــــــــــل الوجــــــــيه ! وذيك مااااتبدلــــــت

لنه الــــــــــى عز الرجــــــــــاء مال الخليل الا الخليل
ماقد قرت فــــــــي محجري قصه عن الحزن وسلت

كن الـــــــذي يجري معي يجري مـــع الطرف الكحيل
اليا رضت ترضـــــــــا عشاني وان تزعلت ازعـــلت

معها اعـــــــــرف اني قوي حتــــــــى ولو مافي حيل
واعـــــــــــدها بـ مية خوي كــــــان الهموم أستفحلت

دام الشــــــــــــدايد تثبت بصاحبك معدنه الأصــــــــيل
ليت الســـــــــــــــنين الي حدتني للضيــــــاع أستعجلت

الشـــــــــــده الــــــي تثبت ان الــــــــــــي يحبوني قليل
ولا ضحكة بوجيه نــــــــــاس"ن" لاتضـــــايقت انكلت

بنت "ن" اليا مــــــنك وقعت أتشيلك امــن القاع شيل
أبرك مـــن وجيه الرجــــــــال الــــــي ليا طحت أجفلت


مما راااق لي

لــ الشاعر حامد زيـــــــد





أعذب التحايا واجلها
للجميع

عبودددددددددد 17-01-2011 02:50 AM

يعطيج الف .... عافيه ولاهنتي ... ع هذا النقل الرايع

روح صامته 17-01-2011 02:54 AM

لاهنت ياالغالي وتسلم ع المرور الجميل

شمس القوايل 19-01-2011 03:58 AM

يعطيج العافيه ع الطرح والاختيار الرائع


نرقب الزود لاهنتي

روح صامته 19-01-2011 10:15 PM

لاهنتي غناتي وتسلمين ع المرور الجمييييييييل وابشري

Ŗờờ7 έήŠấń❥ 22-01-2011 12:47 PM

بعطيك ربي العافيه
نشكرك روح صامته على هذا الإنتقاء الجميل
وننتظر جديدك
ودي وتقديري

ابحث عنك 26-01-2011 02:05 PM

يعطيكم العافيه علاختيار الرائع
تحياتي


الساعة الآن 09:11 PM.