طولت بالغيبه على بالي أنساك وأثري أزيد الشوق في وسط ناري
ياحظ من هو لاصمل يوم فرقاك يقطع على درب الغلا كل طاري
وياليت من هو لاقوى البعد يقواك وأقول بمشي يابقايا أنتصاري
لاشك لي قلبٍ شفوقٍ لطرياك ماكنه إلاّ ليل والقلب ساري
يابنت والله لو أحاول بجفواك إني لموت ولا طلبتك بثاري
أنا تعلمت الهوى تحت يمناك درست معنى العشق حسب إختياري
وأنا حبيبً مابغى غير رؤياك أقصى طموحي لاسهرت انتظاري
مبغاك تعشقي ولكني أبغاك لاضاقت الدنيا تصير أنت داري
وأبيك لامني تزاعلت وياك ترضى غروري قبل أجيب اعتذاري
وأبيك لامني تمنيت لقياك ترفع حجاجك مفتخر بانكساري
وأبيك تدري لو أحاول بفرقاك إني باحاول قبلها بانتحاري