عيون المها
[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
عيون المها بالسحر يا نجد صوّبن = غريبٍ بدرب الحب تاهن ركايبه رمته الليالي في بحور من الهوى = ولا صار يدري مدّها من جذايبه وموجٍ ورى موجٍ بها الموت والبلا= تحطّم حنايا القلب تشعل لهايبه يدوّر بدربه من يشيله من العنا = ولا حدٍ عطاه البال حتى قرايبه يقولون وش ودّاك يالطير للمها= مدامك رهيف القلب .. هذي تبايبه الا يا سبب بلواي والحزن والشقا = علامك تركتِ الجرح وانتي سبايبه حلالٍ بشرعك طعنة الروح بالظما = وحرامٍ على قلبي يعاتب حبايبه حرامٍ عليك احرم وفي عطفك الدوا = نزيفي يتزايد كيف تاقف شخايبه سقى الله زمانٍ راح بالسعد والهنا= فحلو الليالي ساقها مع هبايبه ولا عاد باقي غير ما سبب العمى = عجاجٍ كتم نفسٍ شكت من مصايبه إذا ضاق صدري ارفع الطرف للسما = ونادي الهٍ يدري الحال عايبه اناجيه وادعي يفرح القلب بالمنى = ولو لحظةٍ بالعمر فالشمس غايبه واذا ما تهيّا لي اوصيّك يالمها = تقولي لهم حطوا بقبري نصايبه لعلك تذكريني اذا ذعذع الهوى = شمالي بنجدٍ والحيا في سحايبه وزان الربيع وشفتي القبر بالضحى= فصلّي على روح من الحب ذايبه [/poet] |
الاخ الشاعر الطائر المهاجر
صح لسااااااااااانك وسلمت يمينك قصيدة رائعة قصيدة من الوزن الثقيل الف شكر لك تقبل تحياااااااااتي وتقديري اخوك متأمل خير |
http://www.mamarocks.com/rosetrio03.gif أستاذي الكريم شاعر العثمانيات ( الطائر المهاجر ) صح لسانك ولا هنت قصيدة غاية الروعة والجمال لك تحياااT وتشكراااT http://www.mamarocks.com/rosetrio03.gif |
اخووووي الغالي
الطائر المهاجر .... صح السانك ولاهنت عسى عمرك طويل ..... تحياتي وتقديري اخوووووك عبيد السبيعي |
شاعرنا القدير
الطائر المهاجر صح لسانك سلمت يمينك كلمات اختصرت مساحات من الجمال وقدره عجيبه على حبك الاسلوب وختيار العبارات وهكذا تعودنا منك ان نستمتع بجمال كلماتك لك كل الشكر والتقدير |
طائر
الشااااااااااعر
الطائر المهاجر صح لساااااااااانك قصيدة رائعه حقا تقبل خالص التحيه اخووك عذب الوصايف |
هلا اخووي الطائر المهاجر
صح السانك وسلم بنانك والله يعطيك الف الف عافيه على الكلمات الجميله والرائعه كفييت ووفيت طال عمررك تحياتي لــك .. |
صح لساااااااااااااااانك اخوي... كلمات في غاااااية اروعه... تحياتي واحترامي بكاء الياسمين |
كل الشكر والتقدير لأخي الكريم/ متأمل خير
على تشريفي بكريم حضورك الرائع تسلم يالغالي تحياتي الطيبة |
كل الشكر والتقدير لأختي الكريمة / أروى
على كريم وروعة الحضور والتفاعل الجميل كلمة "استاذي" كبيرة شوي ، فنحن هنا اخوة فقط. تسلمي يالغالية تحياتي الطيبة |
الساعة الآن 11:17 AM. |