ايش رأيكم في هذه الحالات المرضيه... ابي تعليق اذا ممكن
السلام عليكم
صور من مجتمعنا وبالاحرى حالات : 1-لمن تشوف وحده حاطه رجل على رجل وتدخن او تطلب شيشه او معسل كانها صاحبة قهوة 2-لمن تشوف واحد بسن ابوك اواكبر وهو يعاكس في بنات الناس كانه مراهق احنا مارضيناها من الصغار فكيف بالكبار 3-لمن تشوف وحده حاطه مكياج واللبس كأنها رايحه زواج ولو كانت عند زوجها ماسوت الحال هذا كله 4-لمن تقام الصلاة وتسمع المأذن ينادي ولا واحد يتحرك يتوضى او يصلي والله شي يقهر (بصراحه احس براحه نفسيه لمن اشوفهم متجمعين وهم يصلون تحس انه لسه فيه خير) 5-لمن يكون وقت الصلاة واخينا في الله المسجل على اعلى صوت وكمان حاط غربي ويمكن مهو فاهم ولا كلمه 6-لمن تشوف واحد يارب لك الحمد على اللبس اللي لابسه بنطلون ضيق وبلوزه مخصره والشعر مدري هي قصة ادمي ولا.... والله يستر لمن يجي يتكلم كانه الدلع قدامك لو انا من اللي قدامه اعطيه كلمتين في الصميم عشان يتعدل 7-لا لمن تروح وتشوف هالاولاد الصغار لاام ولا اب مع الشغاله والسواق جاين وين اهلهم عنهم ولا طفشوا منهم او انهم يعتقدون انه من فن الاتكيت ولا عشان يقولون والله ماشاءالله عليهم مرتاحين وعندهم فلوس وش اهميتكم لو انتم ماتهتمون في عيالكم 8-بس في النهايه احب اعرف ايش السر في سوق حراء الدولي لمن تشوف هذاك الجمع من الشباب اللي ماله داعي او له حاجه في السوق بس زحمه على الفاضي والمليان واكيد البنات اللي مايقلون عنهم بشي بس للفرجه والتمشيه ومااظن السوق وضع لهذه الغايه... ابي رايك في الموضوع ولو على اي نقطه فيه وسلامتكم منقووووووووووول |
الورور
حياااك الله اخوي الفاضل وأشكرك على المشاركة.. حال يبكي فعلاً ولكن أخي هو قل الوازع الديني لقد أصبح كثير من الناس بدون مبداء ولا أخلاق وحين تذكرهم بالله يناظرك وكأنك أتي من كوكب آخر جزاك الله خير على المشاركة والسلام عليكم النورس |
يعطيك العافية على الموضوع !
حالات يارب لك الحمد لكن من لم يكن عندهـ غيره على اسلامه تجده يفعل اي شي ! |
http://www.al-wed.com/pic-vb/21.gif السلام عليكم ورحمة الله وبركاته أسعد الله أيامك وبارك في أعمالك وأنار بصرك وبصيرتك اخي الكريم الورور فعلا صور مؤلمه ومؤسفه بارك الله فيك اخي على نا تقوم به من جهد طيب وتواصلك بطرح المواضيع الهادفه والمفيده جعل الله كل ما تقوم به في ميزان اعمالك تقبل أعطر و أرقّ تحياتي و بليغ احتراماتي اختك بالله شووق http://www.al-wed.com/pic-vb/21.gif |
للأسف حال مجتمعاتنا و خاصة الخليجية منها اللي صرنا نشوف فيها مناظر و أشكال أسوء من الموجودة في البلدان الثانية الله يهدي الجميــــــــــــــــع لكم مني أرق تحية |
الساعة الآن 10:38 AM. |