|
الله خلقني كذا
يامـــــل قلــــبٍ وطـــــــاه الهــــــــم وأثعــــابه
والحزن قطع نيــــاطه واخترق لبـــَّـــه سبـــــــة وليـــفٍ لطيــــفٍ طـــــــول غيــــــابه وأبطى عليه وانا مدري وش السبَّـــه زعلان والا ضــــروف الوقـــــــت غــــــــــــلابـه والا تنـــــاسى وجودي واندثر حبـَّـــه إن كان قصده زعـــل يشرحلي أسبــــــــــابه يهــــون جرح الزعل دام الرضا طبَّـــه وإن غايب سبب ضـــــــرفٍ عـــوج صـــــــــابه يصبر وانا اصبر وكلٍ في رجاء ربــَّــــه وإن كان ناسي غرامي ما احسب حسابــه ما الله خلق قلبي لشرواه يلعبــَّــــه أمشي وكلي ثقــــه والـــــذل مرضـــــــــابه المقفي اسلا عنه والجــاي ارحبـَّــه الله خلقـــــني كذا يامنكـــــر احبـــــــــــــابه ياللي جمالك دليلك وانت تنصبــــَّـه جرحت قلبي وجرحــــــي ضاعت أطبــــــابه وانهكت حيلي ونار الحب مشتبـــَّــه أحب حبك وحبك ما انقفل بـــــــــــــــــابـــه واعز عزك ولكن الجفا كبـــــــــــَّــــه خل الجفا ياحبيبي لاتــــــــــــــــــــعزوابــــه من شب في شي يالغالي يشيبَّــه ************************************************** ************************************************** أخوكم/ نــــــــــــايف معلا |
اخي الغالي
نايف معلا ولرجال من اسمائهم صفات ها انت نائف بشموخك وحرفك تعلا ليصل الهرم الشعري ويحجز مقعده نعم نرحب بمن يقبل اما من يهجر دون سبب فله صفحة النسيان حتى وان كان وزين لروح .. جعلتني اشتاق لكل ما يسطره نايف معلا انتظر كل حرف نقشته لعلمي الاكيد انك مبدع اخي الغالي في اخر بيت كتبت الصدر وربما نسيت العجز او تناسيته لظروف ما دعني استاذن قلمك واكمل ما تركته ورغم انك تركت الصدر ينعي العجز الا انه ابداع في ابداع من شب في شي يالغالي يشيبَّــه ..................................... ( والحر يالغالي نزل فوق مرقابه ) اسف لاني تطفلت على قصيدتك ولاكن اردة ان اشارك الابداع في ابداعه فربما اصابتني عدواه .. ودمت اخ مبدع محمد الشمري |
شاكرلك يا أخي المشرف/ محمد
اخي محمد شاكرلك الزياده الجميله على قصيدتي ..... وطريقة الكتابه قد تكون أبعدتك عن التميز بين الصدر والعجز وهذا خطأي . ........
فصدر القصيده على قافية ابه مثل أحبابه والعجز على أبَّه مثل تلعبَّه وبذلك كانت القصيده متكامله وزوجية المحتوى ولكن الإضافه التي أضفتها على القصيده سوف احتفض بها ولن اهملها ابدا لأنها من غالي والغالي علينا غالي وتسلم لي يا ابو حميد.. ولك البيت هذا: يامحمد إن كان المحبه توافيـــــق......... انا اشهد اني ما توفقت فيهـــا طير البخت راجن عليه المسابيق..........وروحي تلاشت والقهر محتويها أخوك/ نايف معلا |
| الساعة الآن 12:42 PM. |