(((( رجّالها يسوى له مليون رجّال ))))
سـر ْ ياقلـم واكتـب ماعلـى البـال
اكتـب علـى شـوري واتبـع دليلـه
واشـرح علـوم ٍ قـد جالهـا مثقـال
لربـعٍ تسـرك سلومـهـا الجليـلـه
سبايـك ذهـب رطـالٍ تصـك رطـال
توزن حكـم لاهـل العـروف الجميلـة
رزة رجالـهـا تـقـل رزة اجـبــال
ماطوحـت عمايمـهـا دون الرذيـلـة
رجّالهـا يسـوى لـه مليـون رجّـال
يصون الشـرف ولا يرضـى الذليلـه
يعدي على الطيب مثـل عـدي خيّـال
تنـوخ الركايـب بـداره كـل ليـلـه
مالجلجت عينه علـى الجـار واحتـال
حاشاه مربى بيوت الشـرف الطويلـه
ولا سمـج بالهـرج الـوان واشكـال
من زود عقله كل العرب تحتـزي لـه
انا اشهد الدين والعـز مـظلله بظـلال
مثور البندق صنيـان حامـي دخيلـه
بعدي انا بعدي نفداك ياذيـب الرجـال
ياقايد الوزعة ونعـم ياشيـخ القبيلـة
الطيب ماكمل وصفه في كـل الاحـوال
ولا كل من خذا الوزعـة نلقـى بديلـه
وبعض الرجال مايسـوى عـود خـلال
مثـل الجحـش اللـي حمولـه ثقيلـه
ماتـرك للنسـا هـذرة القيـلٍ والقـال
ولا خلـى للمجانيـن جـنٍ تشيـلـه
لاقدّر ولـد عـم ولا قـدّر ولـد خـال
مرتعش مصتفق يرتمـي كـا الهبيلـة
تـرى الرجولـه قـول وفعـل ينشـال
ما تلزمه غير اهـل العقـول الرزينـه
يالله تعقل علـى كـل جاهـل بمعقـال
يا مثبت الديـن والعقـل للـي يبيلـه
وســــلامــــتــــكــــم
مع تحيات أخوكم فت الرياااض ـى
منقول