تحركت في المشاعر ثـم ابديـت
نظم البيوت اللـي تنحـت قويـه
وزنتها لين استوت صح ماابطيت
فعل الكرم والطيب هيـض عليـه
جيت اهل حائل يابعد كل من جيت
شمر هل النخـوه طـوال اليدِيـه
لقيت ناسٍ حطو ا صدورهم بيـت
للضيف ون جاء عندهـم مقدريـه
الحي منهم ماترك عـادة الميـت
ليا مات حر ابنه يجي حـر زيـه
تشتاق لفعال الرجاجيـل لاقفيـت
ليا صرت مثل الأ خو لك قابليـه
وصل الكرم تلقاه اليامن تماديـت
شمال حائل ثـم تياسـر اشويـه
الديره اللي تلقا اهلها اليـا جيـت
كـلٍ ينافـس بالرجولـه خويـه
الديـره اللـي مثلهـا ماتحليـت
عسى مطرها كل صبـح وعشيـه
الديره اللـي هيضتنـي وغنيـت
(جبه)على صـف الديـار اوليـه
ياقاري ابياتـي وفيهـن تسليـت
داخلك بالله خـذ كلامـي وصيـه
انس اسم جبه وخذ هالاسم لاطريت
(ام الكرم) هـي والتمايـم عليـه
تستاهله ديرة رجال لهـم صيـت
عصبة رجـالٍ للرجولـه وفيـه
وقصة كرم حائل قبل منبع الزيت
قصة كـرم حاتـم ببنـت العبيـه
والشيخ (ابوخوذه)ملك بالكرم بيت
ياما عطاء الجربا كثيـر العطيـه
قلت الصيح ولا بها المدح زليـت
تشهد لي اجمـوع القبايـل سويـه
وتمت من السان (عع)
نظم البيوت ولاهل حائـل هديـه
منقووووووووووووووووووووله 
