تعالي وافتحي الدفتر وشوفي وش جرى فينـي
انا والهم والغربه و"وعدٍ" من ثـلاث شهـور
وصوره في طرف حائط ودمعٍ في هدب عينـي
وقلبٍ ينبض بحبك وعقد مـن الغـلا منثـور
اذا تنسين انا ما انسى ولـو جفـت شراينـي
واذا تقسين انا ما اقسى لأني في العشق معذور
رحلت وشفت انا اجناس.. هنا مصري فلسطيني
هنا حبيت انا صنعا ونجد وريحهـا المسحـور
هنا قالت لـي احبـك.. هنـا كانـت تبدّينـي
هنا اهدتني الـورده.. وخلـت دمعتـي بلـور
هنا كان الهنـا مـره.. هنـا كانـت تبكينـي
هنا حبيتها باخلاص.. هنا كان الوله مسعـور
هنا كان اول انسانٍ ..علـى كيفـه يمشينـي
هنا كانت بداياتي.. هنا كـان اللقـى مقـدور
هنا كانت نهاياتي ..هنـا ضاعـت عناوينـي
هنا كانت الهنا مره.!!.وقلبي في وسـط تنـور
تعبت استنـزف جراحـي واقـول الا تحبينـي
صحيح انتي تحبيني؟! تعالي والحضن مهجـور
أموت واحتضن صدرك وشعرك يلمس يدينـي
واشده من كثر حبك تصيحي يـا حبيبـي ثـور
ويدك من ورى كتفي تجـي ترعـش تدفينـي
ويدي من ورى كتفك تخلي للشعـور شعـور
ثلاث ايام فـي قربـك تـداوي باقـي سنينـي
ثلاث ايام في قربي تخلـي خاطـرك مجبـور
وانا والهـم والغربـه وكحـل الليـل وانينـي
ودفتر يحمل اهاتي وقدرٍ في الحشـا محفـور
انـام وساعـة التنبيـه وعـدٍ بينـك وبينـي
وقبل ماتضرب الساعه "أفزز" أراجع الدستـور
احبـك فـي بنـد واحـد ..أمانـه لا تخلينـي
واحبك في بند مليوون وقصه من ثلاث سطور
أبحكيها على الماشـي واذا طولـت ضمينـي
لانك عايشه فيها وفينـي يـا حمـام الـدور
أنا في البارحه شفتك حسبـت انـك تنادينـي
وكانت في يديكي زهور مثل مافي يديني زهور
وقلـت الله ياقلبـي اكيـد الـيـوم تهديـنـي
وترفع قدري فعيني وأصير بدنيتـي مشهـور
ومـرت كتفـي بكتفـك ولا كنـك لمحتينـي
حسافه ماهي الهقوه وش اللي غيرك يالنـور
وانا ما ابي ابد تفسيـر ابيكـي بـس تحكّينـي
عن الماضي وسوالفنا وعهدٍ بيننـا مشطـور
وعينٍ تبكي الفرقـى ونبـضٍ يسألـك وينـي
وطفل طاح في حضنك ومن وقته غدى مذعور
وبيتٍ باول الشـارع علـى سـوره تركتينـي
وقلتي باكر الموعد وباكر لـه ثـلاث شهـور