ياللي سألت املوع القلب وش فيـك؟
كبــرت عليه المشكلـه مـن سؤالـك
ناظر تقاسيمه علـى الـــوجـه تنبيـك
إنه مـن اسبـاب الغيـاب إمتهـــــالـك
هذي تراهـا عـن تساؤلـك .. تكفيـك
وعن قولتك.. ماذا دها اليوم حالـك؟
اقسم برب البيـت ماهــــوب خافيـك
إنـك جـروح القلـب وإن الغلا .. لـك
واني رهيـن الــود .. والحكـم بيديـك
وإنك ظلمـــت.. وصاحبـك ماشكالـك
وإن العنـــا كلـه نتيـجـة تجافـيــــك
وإن الصبر : هــم ٍ .. يفـوق احتمالـك
وإن العـذاب يمرنـي فـي تحــديــــك
وإن الأمـل لونه من الطيـش .. حالـك
نبضه قتـلتـه ! لاجــل خــاطـر تجنيـك
ارضيت في قتــلـــه تغطـرس دلالـك
ماعاد باقـي شـي واقـول يمــــديـــك
دام الأمل قبره على اطـراف شالـك !
ارجيك ؟! ماقصرت كم لي وانا ارجيك؟
كــم لي وأنــا اسـدد ضريبـة جمـــالـك؟
اتعبــت ثـم ارهقـــت قلـب ٍ .. يناجيـك
واليوم عايــف ثـم عايــــف .. وصالـك
اكذب عليـك إن قلـت بكرهـ .. وناسيـك
واكــذب عليك إن قلت روحـي حـــلالـك
اللـي بقـــالـك مـا شفـع لـك تـمـاديـــك
واكثر من الــذكـرى وش اللي بقـى .. لك ؟!
تسلطنت ذكـراك فـي قــلــب مـغـلـيـــك
في صـورة صعبــة تـمـر بـخـيــالـــــك
انا رضيت البعــــد وش عــاد يـرضـيــك ؟
قبلـت فــالـــي وانـت روح بـفــالــك
ولاعاد تسأل موجع القلب وش فيك؟
يجـيـك رد ٍ .. مـا يـنــاســب ســـؤالـك !!!
* الإهــداء للجـمــيــع