يا عيوني خاطبي دمعــة عيـونـه .... جاوبيهــا خففـي ثـورة ظنونـه
حاولي تنسيـن نفسـك لو دقيقـه .... مايبي منك سوى نضره حنونـه
لاحظي الدمعات تحكي عن عذابـه .... لاحظيها كــل مـا طبّـق جفونــه
ودّه يحكــي ويتكلـم عـن غرامـه .... ومن حياه يخاف تعبيـره يخونـه
صدقيه اللي حصل ماهـو بمنّـه .... غصب عنه فيه ناس يمنعونـــه
ياعيونــي معـــذره هـذي الحقيقـه .... حالت العادات من دونك ودونـه
اعذريــه وسامحي هذي النهايـه .... دمعتك صارت صدى دمعة عيونه