مستحيل ذا .. مستحيل .. ذا مستحيل
مستحيل أتكون أنسان وبشر .. مستحيل إيكون لك قلب وضمير
إنت غابه , إنت سكين القهر .. أنت حرف وكاتبه مع عمر الضرير
إنت سكه كلها ظلمه وسفر .. وإنجبرت أمشي أنا فيها أسير
جيت فيني جرح من يوم الصغير .. تايه الخطوات والخاطر كسير
شفت عندك شي , وأغلقت النظر .. والسراب يبان للضامي غدير
دافي الأحساس مع عصر العصور .. ترجمة لي إن لك قلب ٍ كبير
مظهرك جذاب , خافيك خطر .. والخوافي أمرها أمر ٍ خطير
ياخساره , ياخساره راح من عمري عمر .. والنهايه للأسف مالي مصير
مستحيل ذا .. مستحيل .. ذا مستحيل