[*+* مـهــآآآآجــرة *+*]

	هذا الموضوع محيرني من زمان.........أحب آخـذ رايكم فيه !!!!!!!! وأنا هنا أتكلم عن المجتمع السعودي فقط...... مثلآ لو جاء شاب وسيم ,,وظيفة مرموقة,,صاحب خلق ودين,,,,مشهود له بذلك يخطب بنتك أو أختك أو قريبتك وش ردة فعلك؟ بتسأل عنه كيف أخلاقه وعن أصحابه وعن صلاته في المسجد وبره بوالديه..........الخ لا هناك شئ ثاني هو اللي أبي أعرف رايكم فيه ألا وهو؟؟؟؟؟؟؟؟ أول شئ يسـألون عنه هو ....هو قبيلي ولا لا ؟؟أصيل ولا لا؟؟؟ الرسول صلى الله عليه وسلم قال{ إذا جاءكم من ترضون دينه وخلقه فزوجوه.........} لا... أكثر القبايل عندهم هذا شرط أساسي .....مستحيل يزوجونه بل من سابع المستحيلات؟؟؟ قبيلي يعني قبيلته مشهورة كالشهري ,,القحطاني,,العتيبي,,السبيعي..............باختصار القبايل المعروفة في السعودية. وتلقى الواحد فيهم لما تقول له تزوج بنت آل فلان بنت محتشمة,,على خلق ودين أهلها ناس ستيرين أجواد ما تطلع منهم العيبة............ يقول آخـذ وحـده ما هي قبيليه مالها أصل؟؟؟؟ وبعدين يروح يتزوج من الخارج مصرية,,سورية,,,فلسطينية ,,,لا ويمكن يـآخذ هندية!!!!! بالله عليك بنت ديرتك سعودية الأصل والمنشـأ تعرف أهلها وتعرف طبعها وأخلاقها وتعرف عاداتنا وتقاليدنا ...........ماهي أحسن لك من الأجنبية اللي ممكن تتزوجها وفي نفس الوقت تكون أختها متزوجه من أخو أو أبو البنت السعودية اللي أنت رافض تتزوجها وش بيكون موقفك ساعتها؟؟؟؟؟؟؟؟؟؟ مرة بنت تتكلم عن ولد جيرانهم تقول : ماشاء الله عليه جمال ومال ومركز وظيفي كبير واللي أحسن من هذا كله صاحب طاعة ما يفوته صلاة بالمسجد...... قلت لها يعني لو يخطبك تتزوجينه ؟ قالت يا خسارة ما هو قبيلي !!! هذا تفكير بنت في ريعان الشباب...أجل وش بيكون تفكير الشيبان الكبار؟؟؟؟؟؟؟؟؟؟؟؟ ما المقصود بكلمة ماهو قبيلي؟ يقولون { عبد,,,,خضيري....} يا ناس زمن العبيد راح ....لا فرق بين عربي ولا أعجمي إلا بالتقوى الناس سواسية ,,,,,لماذا هذا التفكير الغير منطقي ؟ لماذا هذا الشرط الغير قابل للمناقشة؟؟؟ أنت سعودي وهي سعودية........... أنت على خلق ودين وهي كذلك........... أنت ملتزم بالعادات والتقاليد وهي كذلك.......... أنت من أسرة محافظة وهي كذلك.......... إذآ مــــــــــا الــــــــمــــــــــانــــــــع أن تتزوجـــــــــها؟ أرجو الإجابة بصـدق...من غير تجـريح أنا عارفة الموضوع حساس...بس وش المانع إن حنا نناقشة لمصلحة الجميع لا أحـد يزعل مني هذا شئ من واقع مجتمعنا وكلنا نسمع عنه ونشوفه بين كثير من الأسر........... تقبلوا تحياتي