تحية طيبة للجميع اهدي لكم هذة الابيات امل ان تنال اعجابكم
صادفتها وادموعــها تذرف اذراف=من عينها ومسيل الكحل مــــــاها
في صورتن ماتعجب اللي لها شاف=ذبلا تن من ثقل همن بلاهــــــــــــا
متنثر بعض الشعر قدم وخـــــــلاف =يقطع معاليق الضماير بكاهــــــــا
سالتها وش فيه يازين الاوصـــــاف=قولي ترى نفسي تزايد شقاهـــــــا
وتكلمت عقب العنا والتكســــــــاف=في صوتها المبحوح تبدي خفاهــا
وقالت تراه اخر لقاء يابن الاشـراف=الناس فيـــنا قــام يكثر لغـاهـــــــــا
وانا ترى مجبورتن عنك بانكـــــــاف=حسبي على اللي عنك روحي حداها
وتبي تقول وقلبها يرجف ارجــــــاف=وتاخذ وتشقث في نظرها وراهــــــا
وتقبلووووووووووووا تحياتي