انا مليت من كلمة احبك والقلوب ابعاد = انا ويش فادني صوتك وعينك ما تلاقيني
حلفت انك سكنت القلب ولكن وش هو الميعاد = اذا انك ناسيه حبي طلبتك لا تناديني
انا لاجيت ابي اقربك اقلب ذكريات جداد = تبدد كل اماني العمر لانك بس خذلتيني
توقعتك معي دايم في كل صادر وكل وراد = قبل لا اقول يــا!! احس صوتك يلبيني
ولكن ياغلا تغير غرامك وش بقى وش عاد = مدام اقرب شخص اهواه تغير واختلف فيني
انا من جد حبيتك وحبك سيدي واسياد = انا لازلت احبك لين تاقف عجلة سنيني
ولكن ودي اسمعها صريحه دون اي اجحاد = صحيح اني فرح عمرك دخيلك بس علميني
ابي اسمع صدى صوتك يمر في مسمعي ويعاد = عشان انام متهني وانمي العمر بيديني
من واحد الى مليون وكثر اضعاف هالاعداد = احبك حب لو تدرين يفوق حبي لوالديني
رساله واحفظيها زين مدام قلوبنا ابعاد = اذا ماتت حروف الحب طلبتك لا تعزيني!!!