[ذايــــع الصيت*****]

إطلالــة جديدة من صندوق ذايع لأعين الغاليــن

.
.
.
.
.
.
.
.
.
.
.
.

ضاقت الدنيا وراحت هقوتي حلم وسراب=من بعد فرقا حبيبه قدّمتني عن أهلها
ما حسبت الحب ياخذ والعطا بعض الحساب=وإن خذا فرّق حبايب لو شكّا ولاّ شكتها
ما تفيدك هالشكاوي وانقفل للحب باب=والمفاتيح ابتعادك واختفي واقطع صلتها
لا تحاول في النهاية ترتجي حل وصواب=انتهى يعني انتهى والشمس غابت وأعلنتها
ما نفع تمثيل حب وتضحيه وشوق وعذاب=والستاير في النهايه فوق مسرحك أسدلْتها
يا نجوم الكون قولي من بَعَد بُعد القراب=ناظري الدمعه بعيني وعلّمي من سببتها
يا حسافه في مناكي الأمل صار اغتراب!=وإن ذكْرتك لا ابتعدنا من وفا عينٍ رجتها
بارتحل دام النهايه من بعد حبي العقاب=وباترك بشعري قصيده لو نستني ما نستها
يا حروفي كلّميها وشدّدي بقول الخطاب=علميها يا حروفي واكتبي بيدٍ رعتها
يالحبيبه اسمعيها لا أنا وإنتي الجواب=الخطا إنّا ضحايا والمحبه وما جنتها
الموده إللي كانت صابها نهش الذياب=الزمن داير علينا والظروف إللي دعتها
من بعد زرع الورود وفرحتي بغيم وسحاب=تجني الشوك الأيادي من بعد ما هي سقتها
والقصور إللي بنينا صابها اليوم اضطراب=والمخاوف وابتعادك والجروح إللي هدمتها
بارتحل بأنهي القصيده وأنقل بحرفي ارتياب=أول الدرب المحبه وآخره تلقى آخرتها؟؟؟؟؟؟؟؟
الوداع اليوم لازم والحكم صار انقلاب=والمحبة في فؤداي المنيه عاجلتها

وسلامة الغاليـن

المخلص&ذايع&