الغالي النايف
كل عام وانت بخير وعل العيد عليك افراح ومسرات
ومن العايدين وحجي وعريس والله يعطيك ماتمناه
اشهد بالله ماعرفت وش البيت اللى انتقي لكي اوقع اعجابي عليه
كل بيت اشوفه القى اللى وراه اروع من قبيله
لذا اسمح لي بان احفظها بمفكرتي واعيد حروفها هنا مع اكمال المفردات التي اخفيتها
العيد عاد وعادلي الجرح جرحيـن=جرح(ن) مضى والجرح الاخر تقفاه
فيني حزن بغداد وخيبـه فلسطيـن=وفيني امـل لكـن يأسـي تحـداه
ياعيني اللي بضحى العيـد تبكيـن=قولي لقلبـك مـن نسـاك ينسـاه
عنـد البـدو عيـب تبـع المقفيـن=والخاين المقفي عسـى الله يتـولاه
صبرة على فرقاه سنيـن وسنيـن=ثمان راحـت فيهـا احلـم بلقيـاه
احلم متـى العيـن تشوفهـا العيـن=ومتى اذوق الشهد مـن(شفاياه)
واليـوم ياعيـن انسيـه تكفـيـن=وقولي لقلبـك لا يجيـب طريـاه
تعبت اجامل ناس ياعيـن غاليـن=واظحك وانا الظحك مانـي بويـاه
الله اكبر عليك والله لايضرك لله درك من شاعر له طراز اخر عن البقيه
مبدع مبدع بكل حرف وكل بيت نظمته
احلم متـى العيـن تشوفهـا العيـن=ومتى اذوق الشهد مـن(شفاياه)
8
8
وعلنا باللى اكملناه وصلنا للمفرده المفقوده واصبنابها
صح لسااانك مليون في مليون في مليون ولاتوفي
سجلني من معجبيك ومتابعيك
واسمح لي بحفظها بمفكرتي لكي اتذوق من عذوبتها
ننتظر القادم فلا تطيل علينا به لاننا مانستغني عن هذه الفئه
ولاخلا ولاعدم
اخوك
نايف الشمري