يا جماعه ترا قيادة المراه للسياره مو حرام ... ومن وجهة نظري انها اصبحت ضروره الحين
واللي ما يحترم ولا يؤيد ضرورة قيادة المراه.. اكيد مو حاس بمعاناتها
وكيف رح يحس اذا كان رجل ومو محتاج!!!
اوكي وعشان مانظلم المراه زياده على معاناتها...
ليه مايحدد عمر معين لقيادة السياره!!
وبكذا نمسك العصا من النص
لا ضرر ولا ضرار
وبعدين وش ذنبنا اذا كانت عقول الشباب هنا فاضيه وتافهه وما همها الا الغزل وما يتركون الوحده بحالها...يتحرشون باللي تبي واللي ماتبي!!
يعني ليه ندفع ثمن عدم نضج ووعي الشباب هنا واندفاعهم نحو غرائزهم دون تفكير!!
خلاص ملينا
والله حرام لحد متى نظل تحت رحمة عماله تعبانه ومكاتب تجاريه بس همها الربح وتجيبلك عماله ماتعرف تسوق او مريضه نفسيا!؟ وفوق هذا يهربون ويخلي المراه تبلش بنفسها!
والله اعرف وحده مسكينه موظفه وتصرف على بيتها سواقها كان متخلف وصابره عليه وهرب برغم ان زوجها واهلها موجودين مانفعوها....واضطرت تقدم اجازه استثنائي بدون راتب والسبب عدم قيادة المراه!!
..لازم ينظر لهالموضوع من زاويه ناضجه وواعيه
مو من زاوية الغزل والجنس والكلام الفاضي!!
او عشان انتم يالرجال ماتركبون مع السواق ومو عارفين ولا حاسين للبلاوي اللي تطلع منه!!؟
مو معقوله ماعندكم فكره عن مشاكل السواقين ودسائسهم وقذارتهم مع المراه ومع الابناء!!
الى متى رح يظل تفكير الرجل عندنا اناني...واخر شي يفكر فيه المراه ومعاناتها!!
لكن الله المستعان...والله يهدي الجميع ويصحح نظرتكم واحاسيسكم تجاه المراه
وصدقوني لو دخلتو معاي بنقاش بهالموضوع مارح تستفيدون لانكم مو حاسين عشان كذا مقنعين وانا مو مقتنعه الا بالصح.
وتحياااااااااااتي