يا حلومٍ عذبتني في المنام
وفرقت بيني وبين أغلى حبيب
---------------------------------
صحت في نومي أقول إن ذا حرام
وش حصل يا صاحبي أمرك عجيب
----------------------------------------
يا حياة الروح يا عذب الكلام
كيف تتركني وأنا جرحي عطيب
-------------------------------------------
كيف تنسى الحب وأيام الغرام
ليش صرت بدنيتك كني غريب
------------------------------------------
قلت لي يكفي ترى كثر الكلام
ما يجمعنا وهذا هو النصيب
-------------------------------------------
وأصبحت دنياي في عيني ظلام
وحارت الأفكار والموقف صعيب
---------------------------------------------
وقمت من نومي وفي عيوني غمام
قلت جعله خير ذا حلمٍ مريب
----------------------------------------------
وصار في قلبي من حلومي سهام
وصار نومي بعد خلي ما يطيب
------------------------------------------------
يا هبايب نجد ودي له سلام
وخبريه إني أبي وصله قريب
------------------------------------------------
وقولي إن حبه على صدري وسام
ولا حشى ما احط غيره لي حبيب
---------------------------------------------------
يا دموع العين يكفيني ملام
ويا ضلوعٍ بالصدر يكفي نحيب
----------------------------------------------------
كلها حلوم وراحت في سلام
وأنطفأ في داخلي حزن كئيب
مهــــــــــــــــــــــــاجره
مساء الخير وصح السانك على هذه الأبيات الرائعه والجميله
وتقبلي تحياتـــــــــــــــــــــــــــي
رومنسي الطائف