اخواني ..
اخو هدلا ........المحب في الله ... اخو الورور
اتمنى فعلا انكم ماتكونون حاطين بروسكم ان البنت داخله المنتدى عشان تتزوج!!!!!!
اذا البنت فعلا داخله تتزوج من شباب النت!!
ساعتها رح اضم صوتي لصوتكم ونستاهل اتهاماتكم وطعنكم فينا !!؟؟
ولو بروسنا زواج ... ومالقينا احد .. !!!
مارح نختار من المنتدى او الشات او واحد كبر شخصيته ورجولته خلف شاشة النت فقط!!
لان المنتدى اذا كان مكان سخيف وتافه (وقذر) بنظركم ولا استفدتو او افدتم فيه بطرحكم
لموضوع هادف او مسلي او حسيتو بعطائكم او قيمتكم لو بكلمة مدح او اطراء في حقك
ومن احد الاعضاء وانت لا تستحقها ويمكن عمرك ما سمعتها خارج اسوار النت ...
اذا المنتدى كذا وتافه رح يكون مكان للبنت مو للشاب!!
اذا تافه خلي مستواكم يالشباب اعلى من التفاهه ولاتدخلون المنتدى!!؟؟
ومجرد دخولكم يثبت ان لكم النصيب الاكبر في صنع هذه التفاهه!!!
لان البنت مسكينه هذي فرصتها بدل التبرج والتسكع في الاسواق او الوحده القاتله!!
البنت نطاقها محدود بحكم الخوف عليها والعادات والتقاليد والاكبر من كذا الخوف من الله
( حتى لو عندها سواق) فكيف اذا كانت ما تسوق سياره اصلا...!!
والشاب او الرجل مسموح له اجتماعيا انو يسافر ويفرغ طاقاته العاطفيه والجنسيه في الحرام
ودينيا انو يطلع ويسلي نفسه بالاستراحات وطلعات ا
البر وتجمعات الشباب ويثبت رجولته وقيمته امام الناس مو خلف شاشة الكمبيوتر كانه بنت !!!!
انا اعتقد ان البنت المتربيه... يساعد المنتدى على تحصينها افضل من انك تقابلها وجهالوجه
بالسوق وهي بكامل زينتها!!
اذا المنتدى تافه ليه مسجل ومشاركاتك بالالاف فيه!!
ليه التناقض بكلامكم وتصرفاتكم ... اذا نظرتكم دونيه لنا..!!
ليه تعجبكم مواضيعنا وتردون عليها !!
ويعجبكم اكثر المنتديات اللي مليانه بنات !!!
هذا يثير الشك فيكم اكثر انو احتمال ان اهدافكم ونواياكم من دخول المنتدى تعبانه!!
مقوله عندنا يمكن ما وصلتكم لانكم مشغولون بالظن السيئ في البنت وبس!!!!
المقوله تقول:: ما يدخل النت من الشباب الا الشباب الكحيان !!
لان الشاب الواثق من نفسه وشكله ومركزه ..اكيد رح يكون واثق ان البنات هم اللي رح يدورونه باي مكان ...
مو وهو متخفي مثل البنات ورا النت!!!
واذا احنا مثل نظرتكم لاسمح الله اهون علينا نختار شاب من السوق له وسامته ومركزه
ومعروف ولا نختار واحد له صولات وجولات خلف ستار النت ... يمكن يكون مريض !!
نظرتكم هذي!!
يمكن لانكم تتصيدون البنات ولما تفشلون في لفت انتبا ه واصطياد البعض من البنات اللي يمكن معجبتك اكثر من غيرها ... تتحطم ...!!
ويطلع الكبرياء والجبروت والظلم وتقول لها انتي اصلا ما فيكي خير!!
لانك دخلتي المنتدى او الشات!!؟؟
وانت وين الخير والطهر والعفاف اللي فيك لما فكرت في اصطيادها وهي بريئه والتلاعب
بمشاعرها وقتلها في عذريتها وسمعتها!!؟؟
نظرتكم هذي .. والجرأه في الجهر بها !!
احتمال انها نابعه من الاحساس بالنقص الرجولي عندما يتضح لكم تميز وثقافة عقل البنت من مواضيعها وردودها...
اتقو الله ياشباب في نظرتكم هذي لاخواتكم
هل ترضى ان ينظر لاختك او امك او ابنتك هذه النظره القذره!!!!
لا تقول ما اخليهم يدخلون نت... وربي ما فيه اي بيت ولاغرفه تخلو من النت اقلها تقولون
نخليها تدخل منتديات نسائيه ... وهل هي نسائيه بالفعل!!؟؟
اكيد( لا )وعندي الادله!!
يا اخواني ...
معاكم حق ترتابون من بنات الشات او تشكون في البنات المتسكعات المتبرجات...
لكن نظرتكم في بعض بنات المنتدى؟؟!!
ياشباب دخول بعض البنات للمنتدى وهي متربيه ومراقبه
يعصمها ويحفظها من الفساد الحاصل في المجتمع الان حتى الصديقات لا يوثق فيهم !!
حتى المدارس لا تخلو من الفساد والجوالات والبلوتوثات ووالهروب وقلة الحيا!!!
سبحان الله مهما تغير العصر وتطور ...
عقل الرجل الخليجي ونظرته الدونيه والانانيه للمراه لا تتغير.... كانه لايثق في تربية وعقلية امه وابيه ...!!
وبالتالي كانه لايثق بنفسه .. وهنا مربط الفرس!!!
واخيرا حبايبي الفتاة قليلة التربيه والفاسده اكيد عارفه طريقها من وين ..!!
والله لو البنت في بيت مسجد وابوها امام واخوها داعيه وما عندها سواق ولا نت
وحولها حرس صدقوني رح تسلك طريقها وتسوي الفساد اللي في راسها ...
وين عايشين .. في اي عصر!!؟؟
الحين البنات يسافرون برا وهناك تطيح لها على رجل الاعمال الخليجي...
وجوا البلد تعرف كيف تطيح عليه ...
((( يعني اذا انا انخبطت على راسي وحبيت اخرب ديني وسمعتي!!! )))
اخربها مع واحد يستاهل ....مو مع واحد يالله يقدر يسدد جواله!!
او انتظر واحد ورا النت !!
ما ادري هو صاحي ولا مجنون ... محترم او غير محترم ..طبيعي او مريض...بزر او مراهق .... او عقليته (؟؟؟) !!
اذا انتم تنظرون لبنت المنتدى بهالنظره التعبانه معناه انتم تعبانين
وبالتالي ماله داعي لوجود امثالنا هنا...
اعذروني للاطاله ... وكتبت وانا شوي متنرفزه وبسرعه
ملاحظه : هذا الكلام موجه فقط للي نظرته دونيه وواطيه للبنت اللي تدخل المنتدى فقط!!!!