منظرالخيمه علـى جـال الغديـر=ينسـي النفـس الحزينـه هـمـهـا
مع غروب الشمس في ساعة عصير=كـن سطـح المـاء يمّـه ضمهـا
والوجار بـه الجمـر يسعرسعيـر=وريحة القهوه يجـي مـن شمّهـا
ومنظرالشلال صافـي لـه هديـر=هبّـت الغربـي وجـاوب نسمهـا
والبساط أخضرمثل فرش الحريـر=وهلـت المزنـه بصافـي جمهـا
والطيورمن الفـرح قامـت تطيـر=ساليـه والـهـم مـاجـا يمّـهـا
والبيـوت بطـارف الـوادي نثيـر=والجبـل فوقـه سحابـه زمّـهـا
والغنم تـارد علـى بركـه وبيـر=تفهـم الراعـي ويفهـم زهـمـهـا
والمسـاء يمسّـي الحلـه بخـيـر=حلـت الغـدرا وشعشـع نجمهـا
والهدوء أطبـق صغيرمـع كبيـر=غيرصـوت للسـهـارى خمّـهـا
وشبـت النيـران للطرقـي بشيـر=حلـة مـن جـا لـهـا ماذمّـهـا
والسوالف تشفي القلـب الحسيـر=والقصايـد تعجبـك فـي نظمـهـا
والقمرضوّى بـه السـاري يسيـر=آيـة للـرب أحـسـن رسمـهـا
والربابه جرّت الصـوت الشهيـر=للرجـال اللـي قــوي عزمـهـا
ثـم شـع الصبـح بالنورالمنـيـر=وغـنـت طيورالقـطـا ماهمّـهـا
كن نور الشمـس للنسمـه خشيـر=صـورة رب الخـلايـق تمـهـا
المشاهـد طايفـه وأنـا صغـيـر=ذكريـات ضـخ قلـبـي دمـهـا
وألف صلوا عـد مانسنـس عبيـر=للنبـي المختـار كاشـف غمـهـا