اقتباس المشاركة الأصلية كتبت بواسطة موت الاماني السؤال الاول : - ماذا يعني لك موت الاماني ؟ موت الأماني مثل الهواء والماء ما أستغني عنه في هالدنيا ،، إنسان راقي بإسلوبه وتعامله وفكرة وشخصيته القوية اقتباس المشاركة الأصلية كتبت بواسطة موت الاماني حياك الله تبوك الورد واخيراً جلست على هالكرسي ( تكفى ياللي ببرنامج شاعر المليون ) بما اننا نقرب لبعض ابجيب الخوافي كلها وابيك تجاوب وياويلك لو ماجاوبت هع السؤال الاول : - ماذا يعني لك موت الاماني ؟ السؤال الثاني :- بما انك ماسك قطية المشب ولا تجيب اللي نطلبه وتقول دايم القطيه خلصت ابي اعرف وين راحت القطية ؟ تبي تعرف وين القطية !!! أسأل عنها الدينصور ألي يمشي ويدوس على ألي قدامه ،،هههههههههه اقتباس المشاركة الأصلية كتبت بواسطة موت الاماني السؤال الثالث :- بما انك مدير مدرسه أد الدنيا وضربت طالب ويجيك ولي امر الطالب منفعل وش يكون ردة فعلك ؟ كثير وقع هذا الشيء معاي .. بس ما أكون أنا الي ضربت الطالب يكون أحد الزملاء ..وأكون همزة الوصل بينهم بحيث أحاول ألملم الموضوع حتى لا يكبر وتصير مشكلة .. أما بخصوص سؤالك ..أول شيء أحاول أهدئ ولي الأمر بكل الطرق .. وبعد ما يهدأ أقنع ولي الأمر إن الطالب هو المخطئ !! اقتباس المشاركة الأصلية كتبت بواسطة موت الاماني السؤال الرابع :- ابيك تقول موقف يةن صدمت بسيارة الوالد بحي السليمانيه ؟ ههههههههههههه راح فيها المدير هذا موقف لن أنساه مدى الحياة .. الموقف هو : إن الوالد الله يحفظه عطاني السيارة أوصل الأهل للمستوصف .. وبعد ما خلصت المستوص قالوا الأهل نبي نروح لبيت فلانه .. قلت لهم أبشروا .. وعلى فكرة كنت توي متعلم السواقه ، المهم جيت عند لفه يمين إلا نسيت وين مكان الفرامل جيت ادور عليها واناظر تحت رجولي إلا وأنا مشمع وصادم الرجال .. لا والمشكلة إني نزلت أنفخ على الشايب أقوله يا هو أنت ما تشوف !! وبيني وبينكم والله كنت خايف من الوالد . المهم نزلت الأهل للبيت ورحت للوالد في السوبر ماركت وأنا أبي طريقة كيف أقوله إني صدمت !! المهم دخلت عليه وهو معصب على السوداني في السوبر وسلمته المفتاح !! وشافني مرتبك !! قالي وش فيك !! قلت له فيه شايب صدمني !! وطلع يشوف السيارة قالي والله شكلك أنت ألي صدمت مو هو صدمك !! وقالي : ضف وجهك ولا أبي اشوف وجهك .. وروحت البيت مشي على رجولي .. ونمت من الخوف بعد صلاة المغرب ههههههههههههههههههه اقتباس المشاركة الأصلية كتبت بواسطة موت الاماني السؤال الخامس :- شاعرك المفضل ؟ ناديك المفضل ؟ لاعبك المفضل؟ اكلتك المفضله؟ ولي عووده بس ابجمع من مواقفك من الوالده الله ييحفظها وابسرده لك هنا \ السؤال الخامس :- شاعرك المفضل : سعد علوش ناديك المفضل : الهلال لاعبك المفضل : يوسف الثنيان اكلتك المفضله : الكبسة + البرست + المطبق والله يحيك أخوي موت الأماني وأنا بإنتظار عودتك .. والله يخلي لنا الوالدة ويمد في عمرها ويحميها من كل شر وعين ،،