من روائع الشاعر ثامر الدقباسي
وهي من اقرب القصائد الى قلبي
واتشرف بأنني القيتها بصوتي وها الرابط
القصيده بصوت موت الاماني
http://up.9q9q.net/up/index.php?f=fFC771xXT
احـــــبــــك
انا لاقلت لي شلونك وانـا ضايـق اقـول بخيـر
مدامـك سائـلٍ عنـي اكيـد ان ضيقتـي راحـت
انا من كثر ماحبـك اشوفـك فـي عيونـي غيـ ر
تضيق النفس من غيرك ولامـن شفتـك ارتاحـت
احبك كثر .. ماتطري فـبالـي وتشغـل التفكيـر
كثر .. ماشيلـك بعينـي ونـاسٍ منهـا طاحـت
احبك كثر .. ما ادمح خطـاك ان خانـك التعبيـر
كثر .. ماخانت الرفقـه بكتـم اسرارهـا وباحـت
احبك كثـر .. صقـارٍ تولـع فـي محبـة طيـر
كثـر مادلـة الطيّـب بريحـة هيلهـا فاحـت
احبك كثر .. ماحس بشعـور انـي عليـك اغيـر
كثر مازيح هالغيره عن افكـاري ولا انزاحـت
احبك كثر .. مالك داخلـي حـب وغـلا وتقديـر
كثر ماغبت عن عيني ودموع امفارقك ساحـت
تصدق !! من عرفتك صرت احبك .. واكره التغيير
وانا اللي كنت اعشق كـل نجمـه بالسمـا لاحـت
تأكد كـل ماتسئـل عـن حوالـي اكـون بخيـر
مدامـك سائـلٍ عنـي اكيـد ان ضيقتـي راحـت