اليوم الثالث .... صحينا بدري و لحقنا عالفطور
و رجعنا نمنا الى العصر <<< كسل الله لا يبلاااااكم
صحينا .. و قضينا الوقت الى المغرب بالمسبح و على الشااااااطئ
<<< المشكله ماتعرف تسبح و متعلقه بالدرج
و تقريبا على الساعه 10 مساء ... توجهنا الى خليج نعمه <<< هالوقت احلى وقت
للقعده هناك ... تشوف السهر و الوناااااااااااسه على اصوووولها,,
خليج نعمه ... عباره عن ممشى ... و على جوانبه الكثير من المطاعم و المقااااهي
و المحلات التجاريه.. و يسمونه شانزلزيه شرم الشيخ ..
اول شي ... جلسنا بمقهى اسمه (( بدون كافيه )) ..
و الجلسه عباره عن جلسات شعبيه على الأرض و طاوله صغيره بالنص...
و فيه فرقه ... تقدم اغاني شعبيه..
و احلى مافيهم انهم يشتغلون عالكهرب <<< كانوا يغنون .. فجأه طفى الكهرب وقفوا,,
رجع اشتغل اشتغلوا!!!
جو سألونا .. انتم من وين ... و قلنا لهم السعوديه,,
و قعدوا على روسنا يبربرون ... السعوديه اجدع نااااس اجدع ناااااااس...
و بس عطيناهم كم جنيه سحبوا علينا!!!
و ابشركم عزفت على ذا اللي ماسكينه بيدهم <<< مدري اش يسمونه
و جا الأمن شاتني برى <<< يقولن خطر على البشريه!!!
الموووووهم .... رجعنا و كملنا لف و استكشاف لخليج نعمه...
و هذي صور لبعض المحلات الواقعه فيه..
7
7
7
مقهى كثير قعدته حلوه و بسط .... و الجراسين كوووولهم شغالين رقص
كنوع من جذب الزباين للمكان..
و اللي فعلا مميز عندهم ... واحد يرقص على اغنية فارس كرم شفتا بشارع الحمرا..
عن جد تجنن حركاااتو <<< بس اروح اتفرج عليه و امشي...
جنبه في مقهى ثاني ... اسمه **** ^^^ علي بابا ^^^*****
على نفس الستااااااايل ...
>>> يضحكني منظر الأجانب و هم يشيشوووون مايليق!!!
7
7
7
كان زمان ... مطعم اكله كريه و ما انصح فيه ابد !!!
و بكيذا ... انتهى اليوم الثالث في مقاهي خليج نعمه...
اليوم الرابع .... في هاليوم كان عندنا رحلة سفاري...
و تم الحجز لها عن طريق المكتب السياحي ( راجا ) الموجود بفندق الريتز...
مدة الرحله ساعتين ... و السعر للفرد 50 دولار .... و اذا تبي الدباب دبل .... السعر 70 دولار
( الأسعار من برى الفندق ارخص )
اول شي ... مر علينا الباص الساعه 4 العصر و مرينا بعد على فندقين خذينا منهم
المسجلين معنا بالرحله ..
توجهنا لمنطقه صحراويه <<<< انصحكم بالكريم الواقي من الشمس ...
وصلنا لمنطقة الدبابات .... و المرافقين معنا شرحوا لنا كيفية الرحله
و استخدام الدباب .. و حتى لو تعرف يخلونك تجرب قدامهم...
طبعا هناك ... يوزعون عليكم نظارات و الشال الفلسطيني هذا للوقايه من الأتربه و الغبار...
>>>> طبعا تشنرونهم..
حنا شرينا نظارات سفاري من محل نظارات عاديه و بسعر اغلى من اللي يبيعونها
حقون الدبابات ... بس مع هذا مافادتنا كثير ... و بعد الرحله الله لا يوريكم
الحواجب و الشعر و الرموووووش قلبوا غبار!!!