قبل مغيب الشمس في سوق الاحلام= ضبي الفلا بين المخاليق شفته
متحنيٍ حنا على فمه لثام= رزين عقل بكبريآئه وأنفته
هات الورق عطني قلم هاك الاقلام = مهما كتبت من الشعر ماوصفته
حسنه من الهامه ليا حد الاقدام = زين الطبايع عقبه الزين عفته
من نظرة عيونه وهو يرسل سهام = جريت صوتي ليتني ماصدفته
سد الطريق وقلت أبا أروح قدام= وفك الطريق وليتني (ماشطفته)
خطرٍ على العشاق ياحكم الاعدام = ياويل من لديت له لو بلفته
يجيه ماجاني هواجيس واوهام = ياناعم الملمس وريدي قصفته
جرح الهوى عهديبه اللي ورى العام = وناي الحزن عامين أنا ماعزفته
ياوردة البستان يازهرة الشام = ياخاتم سليمان لو ماكشفته
مبيسمك بيّن ومن صوت الانغام=ليا نطقت بحرف كنك قطفته
مثل الزهر ماينقطف غير بحكام=من أسفله مايستوي لانصفته
لاياوسيع العين لاتجرم اجرام= ضيفك على بابك ورى ماستضفته
ماتدري أنه عيب في سلم الاكرام= حتى لو أنك يالغلا ماعرفته
لاتعتبرونها دعايه لسوق الاحلام بالرياض