أحب جده وأحب اللي سكن جده = يا ليتني يا مشاعل ساكنه فيها
اللي بها غالي(ن) ما أقدر على صده= هو تؤام الروح لو الروح مشقيها
والله ما أدري على الهجران وش حده= ولا على جرح روح(ن) دوم يغليها
لي مدة(ن) يا مشاعل في ربى جده= وعيني تلفت تدور وين غاليها
شفت البحر كل ما أقبل جزره ومده = يتل قلبي معه والعين يبكيها
ولاّ شعاع القمر صورته ممتده =على البحر شفتها ما أجمل معانيها
تخاطب القلب بس القلب ما وده= يخاف غدر البحار وشين تاليها
يبعد خيالي وأحاول عنه أرده= ما أبيه يشقى بدنيآ صعب يحيها
أخاف قلبي يبيّح بالغلا سده=وأندم وتبقى جروحي من يداويها
خلاص برحل وأنا والله محتده= عن ديرتك بس روحي باقية فيها
*** مهآآآآآآجرة ***