اقتباس المشاركة الأصلية كتبت بواسطة نورر القصيم من علمـك يازيـن للقلـب تهجـر\\\من علمك يازيـن غـدر المساكيـن من علمك تقسـى وتجفـى وتغـدر \\\ من علمك تجرح قلـووب المحبيـن وش صارلك ماقمت حتـى تقـدر \\\ شخصن عطاك القلب .. ماقدمه دين شخصن وفالـك بالمحبـه وسطـر \\\ شعره لجل عينك .. وجاب الدواوين حبه صفالك وإنـت ماكنـت تقـدر \\\ توفي له وغدرك بنتـه الحقوديـن اتبع من اغراك وعسـاك اتخسـر \\\ مثل الخساره الي بها طحت ياشيـن ياوجد حالي وجد من يسكـن البـر \\\ و ماحولـه إلا دلتـه والفناجـيـن يقظـي نهـاره والمسـى بالتعسـر \\\ ويصبر على جور الليال وعلى البين ويقول باكر .. غيمة الفرح تمطـر \\\ وتزيـل هـم ٍ مسكنـه بالشرااييـن ياصاحبي .. ماعـاد تقـدر تعـذّر \\\ غدرك كشفته وابتعد عنـي الحيـن ياصاحبي .. لاترجي انـي ابعـذر \\\ ماعاد انا اقدر اعذرك شابت العيـن انا لو اعذر من غدر لـزم ٍ اسهـر \\\ لن الذي يغـدر .. مثـال الثعابيـن ماتدري بوقته .. يجي كنـه السـر \\\ يقرصك لو كنت انت ياصاحبي زين يا هيه .. ابعد .. ماني بقادر اصبر \\\ على مشاهد مـن غدرنـي بسكيـن ياقوها الدمعه علـى وجنـة الحـر \\\ وياقوها يخـوان لاصـارت الفيـن كتبت قـاف ٍ للمحبيـن .. ينصـر \\\ واقول سترك ياولي حافـظ الديـن والخاتمـه تسليـم منـي معـطـر \\\ لهل القلوب الي طغتهـا المزاييـن ماشاء الله بارك الله حقيقة زرت البرحي , وذهبت للخلاص , ومررت بمنزل نبوت سيف , وتمهلت حين رأيت الروثانة وحين سئلت جميعهم اجمعوا على انني قرأت سكرية فاخرة نمت واسقيت من خيال خصب بارك الله فيك اخي الحبيب في الله نور القصيم تقبل تحياتي وتقديري