تابع<<
وليد بحسره وقهر مكبوت: والله شغله عندي بس استنى علي في بالي شي بسويه في وقته بس اصبر علي
ابراهيم: نشوف يا وليد اذا بتخلي خالد ولد عبد الله يسوي فينا كذا وانت ساكت
وليد استغرب: وانت وش دراك عن اسم ابوه
ابرهيم: خالد هذا اشهر واحد في شارع التحليه ولد مشهوور حده والكل يعرف حركاته وطالعاته مع بنات بس له فتره متغير
وليد: وشلون متتغير
ابراهيم: واحد من الشباب يعرف خويه يقول انه متغير محلق كشته اللي له كم سنه رافض يحلقها وهذا اكبر تغير
وليد ما هتم : المهم انا بقضى عليه ومثل ما صار مشهور اخليه يرجع للشارع اللي جا من وما اكون ولد ابوي
ابراهيم يحب النجاسه: كفوو والله ما هقيتك تخليه يفلت منك بعد اللي سواه من دون عقاب يندم عليه طول عمره
وليد : اصبر وبتشوف وليد وش يسوي
**بعد ما طلع خالد من الكوفي وانسدت نفسه من شوفه وليد اللي ما ارتاح لها بالمره راح ياخذ اخته من بيت عمه وماكان وده يشوف مي كان يحس بألم في قلبه لما يشوفها وده يتكلم وده ينطق بس الشعور بالرفض يبعده عنها احاسيسه متضاربه لمتى ياخالد انت ساكت بنفجر انا تغيرت لمين لها والا ل ليش مو قادر تقول اسمها لمها مهاا صدى اسمها يفجر كل الدنيا قدامي ودي ارتاح من هالشعور قلبي منقسم بين حب طفوله حب ماضي حب من طرف واحد وحب جديد توه ينولد على هالدنيا ماله في هالحياه الا فتره قصيره بس حسه اقوى من أي شعور حسه مع مي اه يارب ريحني دلني اهديني انا تعبت خلاااص وصل لبيت عمه قطعت عليه افكاره اللي هاليومين ذبحته طول عمره يحب مي وعود نفسه على حبها بس ما ظن لو للحظه تدخل قلبه وحده ثانيه
خالد رد على جواله
خالد: هلا يله اطلعي
نوف: خلودي عيب انزل سلم على عمي ابراهيم
خالد طفشان حده: خليها مره ثانيه تلقينه راجع من الشركه تعبان
نوف : طيب يله البس عبايتي واطلع
خالد: عجلي انا تعبان
نوف استغربت منه: انشاء الله دقيقه
؛؛؛؛؛؛؛؛
مي: ما راح ينزل
نوف: لا يقول تعبان
مي: وش فيه
نوف: مدري يا مي حال اخوي مو عاجبني منقلب حاله من بعد العيد والاستراحه
مي سرحت فيه حست بشي بس قالت السكوت احسن:انشاء الله مافيه شي انتي حاولي تتكلمين معاه لحاله وشوفي
نوف تلبس نقابها: احاول انشاء الله يتكلم
مي : انشاء الله يله مع السلامه
طلعت نوف ومي معاها توصلها عند الباب
فتحت الباب شافت خالد متغير فيه شي منزل راسه على الدركسيون شكله تعبان جد صرخت: شعرررررررررررررررررره
نوف :ههههههههههههههههههههههههههههه ايه صح نسيت اقولك الا قلت
مي تضربها على كتفها:عمى يعمي بليس من متى ما علمتيني
نوف: الا قلت لفي ما قالت لك
مي تتوعد فيها: انا اوريها اوريها ماقالت بس تصدقين شكله احلى بكثير وشكله فيه شي
نوف: ايش ايه مره احلى وش الكشه تشين الواحد بصراحه
مي: ايه يله عاد تلايطي واقفه في الشارع لك ساعه
شافت خالد يناظرها استحت لانها نازله ببيجاما: يله اخوك جالس يطالعني مع السلامه
نوف:هههههههههه مع السلامه ولا تقصرين في في الدبيه
مي: افااا عليك ماراح اقصر
^^سكرت الباب راحت فووق طيران فتحت الباب شافت في على الماسنجر تسولف
مي بصوت عالي: يا الدببببببببببببببببه
في ارتاعت: يممه وش فيك
مي: ليش ما قلتي ان خالد ولد عمي حلق شعره
في: ايه نسيت الحين اقولك خالد حلق شعره
مي: هه ما تضحكين
في ترجع تلف على الاب توب: ما ابي اضحكك
طلعت راحت تمشي لغرفتها فتحت الباب غرفتها كانت تعكس شخصيتها الرومانسيه الهاديه مع شوي جنون وهبال
كانت ملونه بأحمر وزهر وفوشي الغرفه غريبه السقف ينزل منه ثريا كبيره على شكل فراوله حمرا تلمع والجدران لونها احمر والسرير كبير وعليه مثل الناموسيه الكبيره معطيه السرير شكل حلوو كان كله مخدات ملونه بزهر واحمر وفوشي شكل قلوب جلست على سريرها راحت لخالد شدها تغيره الكل ملاحظ وش فيك ياخالد لما ناديتني ياخالد ذاك اليوم كان وجهك مو طبيعي كان الموضوع مهم بس انا الغبيه المفروض اصريت انه يتكلم معقوول معقووول خالد يحبيني لااااا لا وش يحبني خالد مو راعي حب كانت تسأل نفسها ونفسها ترد على اسئلتها
بس ليش اهو انسان باين عليه حساس صدق حاط قناع المزح والهبال طول الوقت بس يمكن عشان يخفي هالشي ما ادري ياخالد انت انسان غريب والايام بيننا تثبت كلامي او لا
نرجع للبحرين وصل احمد وجلس مع زياد الي كان منهار تقريبا
احمد جالس جمبه على البحر الجو كان روعه في شويه بروده والبحر منظره اروع: زياد
زياد بهم يهز جبال: هلا
احمد يحاول ما يضايقه: وش رايك نروح بكرا نعزيهم
زياد: حق واجب
احمد: طيب انت تعرف بيتهم
زياد: ايه انت ناسي اني احيانا كنت اوصلها البيت احيانا
احمد :طيب يا اخوي بكرا نروح ونعزي اهلها ونقوم بالواجب وبعدها ننرجع الشرقيه وش قولتك
زياد مافيه حيل يناقش كان النوم والارهاق واهم شي الحزن مكفينه دهوور : اللي تشوفه
احمد: عن اذنك بس بكلم الاهل شوي
زياد: خذ راحتك
احمد راح واتصل على اخته في
في: هلا حموود
احمد بجديه: في مي عندك
في صلحت جلستها: لا ما عندي احد بس جالسه على الماسن وش السالفه
احمد: شوفي يا في الكلام بيني وبينك
في شدها الموضوع: افااا ياخوي سرك في بير وش السالفه
احمد ما حب يقول كل الموضوع: شوفي انا رحت قبلكم لان زياد محتاجني
في سمعت اسمه وحست الدم في عروقها نشف واهي كانت تتجنب سيرته تبي تشيله من راسها ما ابي احب وش اللي يصير فيني لااا لااا الا زياد الا زياد
احمد: الوو في
في صحت من افكارها: ايه معاك محتاجك في ايش
احمد: شخص غالي عليه توفى امس
في زعلت : لاحول ولا قوه الابالله الله يصبره
احمد : شوفي ام سعد دقت على امي وقالت شي عنه اولا قالت انها تدق على زياد ومايرد والا لا
في: بصراحه ما سمعتها كلمت ام سعد من فتره من بعد الاستراحه
احمد: المهم شوفي اذا دقت قولي لامي ان زياد جواله خرب واذا رحنا الدمام بيشتري غيره عشان اهو ما يبي يكلم امه لانها بتحس ان فيه شي واهو ما يبي احد يعرف
في استغربت وش السالفه بس ما حبت تستفسر اكثر: اوكي ولايهمك
احمد واهو يمشي بيرجع لزياد: كفوو والله فيويه يله سلميني على امي والوالد اشوفكم بكرا انشاء الله
زياد سمع اسم في وجاه شعور غريب حزن ممزوج بفرح ليش افرح لما ينجاب طاريها
احمد: في تسلم عليك
زياد فرح من سلامها: الله يسلمك وياها اجل بيجون بكرا
احمد: هذا المفروض وابوك معاهم
زياد: ايه بجون انشاء الله
&&اليوم الثاني الصباح في بيت ابو احمد&&
ام احمد : صباح الخير
ابو احمد يشرب عصيره: صباح النور
ام احمد: اجل اليوم بتروح بدري الشركه وش السالفه العاده تروح 9 الحين 7
ابو احمد: في شغل متراكم علينا عشان اليومين اللي خلينا الشغل كلنا وقعدنا في الاستراحه لا انا ولا ابو سعد ولا ابو فهد وعبدالله قايم بالشغل كله وتعب عليه
ام احمد تاكل زيتون: غبتو عن الشغل يومين يسوي كذاا
ابو احمد:اكيد هذي معاملات ناس واشغالهم عقود ومواعيد لازم نلتزم فيها
ام احمد: والله يا ابو احمد العمر يخلص والشغل مايخلص
ابو احمد صدقتي
الا بنزله مي : صباح الخير على عصافير الحب
ام احمد: صباح النور وش صاير في الدنيا صاحيه بدري اليوم
مي: نمت بدري صحيت بدري على قوله اخونا اللبنانين نام بكير واصحى بكير شوف الصحه كيف بتصير ايه لا تصرفون يا عصافير الحب
مي تكمل: انتو اكيد يبه كنت تغازلها قبل ما اجي كمل كمل عادي خلني اتفرج نتعلم
ام احمد: استحي على وجهك يا بنت
ابو احمد:ههههههههههههههههه ايه بس ما اغازلها عندكم بيني وبينها
ام احمد استحت: ابو احمد
ابو احمد يبي يجننها: يا عيونه
مي : ياااااااااااهووو كذا من اول
ام احمد: اقول تسكتين والا بهالصحن
مي:هههههههههههه سكتنا سكتنا >>وراحت عطت ابوها بوسه
ابو احمد: مشكوره على البوسه ويله مع السلامه
مي وام احمد: مع السلامه
كان جالس في مكتبه حاط رجل على رجل يفكر بكلام امه يفكر كيف صار لعبه في يدين اخوانه فلوسه بين يديهم لو احد ياخذ منها شي بيكون اهو اخر من يعلم واخرتها لازم يتصرف كلام امه كله صح
راشد: يمه صعب صعب
يتبع<<