تابع>>>>
مي :ليش طيب وش صار!!@
نوف بعصبيه: بروح لبيت كرامتي وكرامه ابوي فيها تنهان وقولي لأخوك اني مو موافقه عليه وينسى كل اللي بيني وبينه احسن له
مي : وين رايحه مافي احد يوصلك السواق مو موجود
نوف تسكرت الدنيا في وجهها ما تبي تجلس في هالبيت اكثر تذكرت اخوها اللي الحين محتاجته واهو موجود عشان يساعدها دمعت عيونها ..
احمد بجديه: خلاص انا اوصلها تفضلي
نوف توترت وبدت ترتجف لأنها حست من نبره صوته انه سمع كلامها
شدت نفسها وتكلمت: ما ابيك توصلني بروح بتاكسي
احمد بجديه اكثر ومسكها من اليد اللي تعورها: اول شي ما اتوقع انك مجنونه لدرجه تركبين لميوزين في هالليل تنخطفين
نوف ميته قهر لانه جابها على الجرح كان يعرف انها خوافه وتخاف من هالاشياء
كمل كلامه: وثاني شي انا عارف انك تبين تطلعين من هالبيت الحين قبل بكرا تبيني اوصلك وصلتك ما تبين بروح واجلسي لحد ما يجيك السواق
طنشته وفتحت الباب..
مي وفي ابتسمو لأخوهم عارفين على قدره اقناع مو طبيعيه...
طلع ولقاها واقفه عند الباب وتهز رجلها ضحك من قلبه لانه عارف كل تفاصيل نوف عارف انها ما تهز رجلها الا لما تكون في قمه عصبيتها وتوترها
رسم على وجهه ملامحه الشده فتح باب السياره بريموت السياره عشان تركب..
ركبت السياره وضربت الباب بقوه عشان تقهره كانت تحترق من جوااها
ركب السياره ومشى بسرعه...
احمد" هذي اخرتها يانوف من اول مشكله استغنيتي عني ولله كنت مستعد احرق الاخضر واليابس عشان نظره من عيونك ماراح اخسرك بهالسهوله لان حياتي من غيرك مالها معنى "
نوف جالسه تناظر الشارع والدقايق تمر عليها سنين ...
وقفها عند باب البيت بعد ما حسو اهم الاثنين هالمشوار اطول مشوار مرو فيه بحياتهم كله صمت وسكوت...
نزلت بهدوء وكانت تمشي بهدوء وكأنها تستنى منه كلمه ترجع االامل في قلبها...
قبل ما تفتح الباب بالمفتاح سمعت صوته...
احمد بحنان: اعرفي شي واحد مو انا اللي يستغنى عنك بهالسهوله
دخلت المفتاح واهي تبتسم كل شي توقعته في احمد صار فيه واول شي واهم شي بالنسبه لها انه يحبها..
دخلت وسكرت الباب وتسندت عليه تنهدت بقوه احساس حلو غمرها راحه مع حبها لأحمد للي كل يوم عن يوم يزيد..
اما اهو ركب سيارته ما يعرف وش كانت رده فعلها فرحت بكلامه والا كلامه زاد جرحها من كلام ابوه وصعب عليه المهم وزاد عليه الحمل..
*****************((((((((()))))))))***************
الدكتور : يا اخ وليد لازم تكون اقوى من كذا وما تنهار قدر ومكتوب ولازم تتأقلم معاه وفي شي غير الشلل اللي اهو صحيح ومو بنج زي ما كنا نقولك
وليد وقلبه يرتجف وش اللي ممكن يكون اقوى عليه من انه يفقد قدرته على المشي والحركه: شي ثاني
الدكتور : يا اخ وليد انت مصاب بالأيدز
دمار حس فيه في كل حزء بعقله كل جزء يرفض هالواقع واقع يدمره ويدمر اهله ويدمر كل اللي حوله
انا مشلول ومصاب بالايدز
كلمه جلس صداها في عقله فتره لحد ما قدر ينطقها: انا مشلول وفيني ايييدز
الدكتور هز راسه يأكد هالواقع الصعب: كل الفحوصات اثبتت هالكلام من بعد ما تستقر حالتك راح ينقلونك الحجر الصحي
وليد خلاص تعب نفسيا وجسديا وهمومه صارت شي لايحتمل بالنسبه له
وليد في حاله عصبيه: انت كذاااب كلكم كذابين
الدكتور كان لابس قناعه ونادى الممرضه اللي لبست اقنعه كثيره تمنع هالمرض يوصل لأي شخص سليم مرض مخيف مرعب ..
عطته ابره مهدئه وطلعت..
خلته جثه تستنى تندفن في اقرب وقت..
$$$$$$$$$$$^^^^^^^^^^^^^$$$$$$$$$$
مها" اه ياخالد ياليتني انا مكانك ولا تتألم لحظه اصحى خلاص تعبت من دونك اصحى وريح قلبي اللي تعب من فراقك "
كملت قرايه بصوتها الدافي وما قاطعها الا صوت الباب ينفتح
خافت وسكرت المصحف وصلحت طرحتها ..
الممرضه تصرخ: هي انتا ايس سوى هنا ها انا روح قول دكتور
مها توترت وبدت تصرف: روحي قولي الحمد الله والشكر
من ورى الممرضه ..
ام فهد بعصبيه: وخير انتي وش تبين تروحين تقولين للدكتور روحي هذي اخته
مها ما تعرف ليش تضايقت منه الكلمه...
طلعت الممرضه واهي تتحلطم..>>>>يعني تكلم نفسها خخخخخخ
ام فهد سكرت الباب بهدوء ..
مها طاح وجهها ما عرفت وش تسوي او تتصرف شي عيب اللي اهي جالسه تسويه انها تجلس مع خالد جالسه معاه بأي صفه ..
مها تلعثمت بالكلام: انا ياخالتي
ام فهد بعقلانيه: انا فاهمه كل شي يامها مو لازم تبررين
مها ماعد قدرت تتكلم..
كملت: انا عارفه انك تحبين خالد واكيد تتسألين كيف عرفت بس انا ام وافهم ولدي وش يحب وش يكرهه وعمري ما شفت خالد متغير الا من بعد ما شفت نظراته لك نظرات اول مره اشوفها على وجهه
مها بخجل: انا اسفه ياخالتي انا استأذن
ام فهد بحنان: ادعي له يرجع لنا سالم
مها من قلبها: امين ياخالتي امين
وطلعت بسرعه قبل ما تسمع كلمه ثانيه من خالتها....
&&&&&&&&&&&&&&&&&&&&&&
ابراهيم يتقدم بخطوات بطيئه وجلس جمبها ودموعه خانته : رزان ابيك تكونين قويه
رزان مستغربه كلامه : قويه!!
ابراهيم ورجفه كل خليه بجسمه تعبر عن اللي الحاله اللي اهو فيها وبصوت متقطع: رزان انا وانتي فينا الايدز
لحظه صمت قطعها اصوات انفاسهم ..
رزان واهي كاتمه صوت بكاها: ومن مين اخذته انا؟؟!@
ابراهيم بحزن: من وليد
رزان جلست ترتجف بشكل مو طبيعي لما سمعت الاسم..
يتبع>>>