تكلمت عن جمعتنا انا وبنات خالي في الرياض ولاتكلمت عن جمعتنا هنا ك في ديرة خوالي إذا
حنا تجمعنا نصير اكروب خطير ما يتحرش به ابدا
وإذا رحنا لديره امي ما ننوم إلا عند خالي خالد لانه هو الكبير بعدين بيته مره كبير لو وش الإزعاج
كان ما ينسمع من كبر البيت
الشاهد في قصتي ان نسهر مستحيل ننوم في اليل وإذا سهرنا الله يعني على الإزعاج الي
نسويه
المهم كلنا بنات مجمعين
وكان في اثنين من عيال جماعتنا مره حلوين
وانا و غالب البنات _طول الله اعمارنا_ ماقد شفنهم بس نسمع عن زينهم
وعاد اسمائهم شينه واحد اسمه ظافر والثاني اسمه خلف يعني حسافه هالاسماء على
هالحلوين
عاد انا لما عرفت انهم موجودين تحت وكانوا البنات مجمعين في غرفة ريناد وغرفة ريناد تطل
على مدخل الرجاجيل وتحت شباكها _طويلة العمر_ بيت الشعر يعني نشوف الي يدخل ويطلع
من بيت الشعر
رحت للبنات بسرعه كان الساعه 12اليل
وقلت : توقعوا من الي تحت قعدوا يخمنون تخمينات غبيه ويقولون اسماء ناس ماتوا الله يرحمهم
>>>>>>>>يقطع ابليسكم وهي القيامه قامت يوم تقولون اسماء الميتين
المهم قلت : انه ظافر وخلف الي تحت
قالوا: وخير يعني عيال امير
قلت : لا بس ابغى اشوفهم دائما يتكلمون عنهم
قالت ريناد: بس هاذا الي تبغينه ابشري
أنا برقا لسطح وانتم طفوا انوار غرفتي وافتحوا الشباك واناظروا وش بسوي وخليهم يطلعون
من بيت الشعر
عاد العيال كانوا مجمعين في بيت الشعر
المهم حنا يالبنات طفين الانوار وجلسنا عند الشباك نشوف رومبوا <<<الي هي ريناد وش راح
تسوي علشان تطلعهم
اشوي وحنا نناظر مانشوف إلا ذيك البلاكه الي داعسه من فوق
وططططططططططااااااااااااااااااااااااااااااااااااااا ااااااااااخخخخخخخخخخخخخخ
على بيت الشعر
ويطلعون العيال يركضون ماقدرنا نشوف احد ابدا ويطلعون برا الشارع
إلا وذيك السياره الددسن الي تطلع من وراء البيت ويدعس راعيها يوم شاف العيال اطلعوا
اجلسوا يلعنون العيال عليه يظنون انه هو الي متحرش فيهم
وحنا البنات ميتين من الضحك على اشكال العيال
ويجلسون البنات يستهزؤن فيهم على شانهم خافوا
المهم حنا ماشفنا شئ
ظافر راح ينوم عند اعمامه
اما خلف نام عند خوالي في الملحق
قالت رينااد : تبغون ندخل على بالنا ماندري وافتحي كانبله وناظريه
قلت: اقول لايكثر والله لو انه فزاع <<<<<<ولد امير الامارات
قالت سحر : الحين دوري انا الي بخليه يطلع من الملحق يركض وانتم اجلسوا في مجلس
الرجاجيل وافتحوا الشباك واناظروه >>>تبون الصراحه والله كان في راسنا استهبل نبغى
نستهبل على خلق الله ونبغى نشوفهم
قلت : اوكي يالله
اطلعت سحر وتاخذ حديد سخيفه ومربعه
مثل هذا الشكل الي فوق
المهم ودخلتها تحت المكيف وتنزل الحديد ثم تتركه وتخبط في المكيف بقووووووووووه وطلع ذاك
الصوت الي يطير النوم
ويطلع واحد من العيال اسمه فهد ودب ويركض يطلع في الشارع حنا البنات ميتين من الضحك
عاد تقول ريناد ياشين الدببه إذا فكروا يصيرون اغبياء الحين وش دخل الشارع الصوت جائي من
المكيف وانت تروح لشارع روح شف من عند المكيف
سحر اخبطت المكيف وتخبت وراء السياره >>>عاد خفنا ينقلب الهبال علينا ويجئ عاد عند
السياره على طول بيشوف هالخبله
جلسنا ننتظر خلف يطلع وماطلع صار نووووووووومه ثقيل يقطع ابليسه عذبنا وفي الاخير طلع
نومه ثقيل
عاد تقول ريناد اقول شكلي بدخل عليه في المجلس وبكب مويه على وجه وبسحب براه الملحق
وبيجبه عند الشباك إذا شبعتوا من شوفه طقوا الشباك علشان ارجعوه على فراشه
قلت : اقول ماهي بعيده عنك اعقلي تره ضيف عندكم
المهم رحنا ننفطر ونضحك ونعلق على اشكال العيال وهم طالعين يركضون من بيت
الشعروالملحق
اشوي وواحده من البنات تواها تصحى من غيبوبتها
قالت : الحين كل هذا الإزعاج عشان تشوفونهم
قلنا : ايه ونبغى نتسلى عليهم فاضين
اشوي جابت جواله وقالت هذولاء الي تبغون تشوفونهم انا طيرت عيوني عليها وامسكها مع
شعرها
قلت : الحين شايفتنا من الساعه 12مالنا شغله إلا هم ونبغاهم يطلعون وفي الاخير صورهم في جوالك
وانتهت القوصه وسلامتكم
انتظر سوالف مني جديده ................يعطيكم العافيه ....................