تجمّل ياخفيف الروح جبّر خاطــــري المكسور=تجمّل وأزرع البسمه على المجـــروح بغيابك
تجـمّـل لاتـعــذبــنــي تجـمّـــل ياأمـــير الــحــور=سـقى الله يوم صادفتك ومرســـال القدر جابك
سـقى الله سـاعة فيها سـقيت الخـافق المدهور=تفيّا من لهيب الشــمس تحـت ظـلال أهــــدابك
ســقى الله أرض تمشيها تفتّح خضرة وزهور=ليا جيت الشجر يرقص ويتعطر من أطيـــابك
ســقى الله أرض تسكـــنها وفيها بيتك المعمور=يداعبك النســـيم العذب غــــنّى لك وحــيّــا بك
تجمّل يحفظـــك منزل ســــبا والفاتحــه والطور=تجمّل دامـــت الأفــــراح والتـــوفيق برحـــابك
تجمّل هـــذي الـــدنيا على روس العــباد تــدور=وراعي الطيب والمعروف أنسابه من أنسابك
تجمّل في الوليف اللي على طرد الهوى مجبور=من اول يوم ودّاني هـــوى شـــوقي على بابك
إلين أصبحت في ودك وعشقك منهي ومــامور=على درب الرجــا والياس إرحــــم حال أحبابك
وأنا مااهين نفسي لك وتعرف منسبي المشهور=أعــــزّك لكــــن إن عيّيت أبقلع حبــــل منسابك
وأقول الله علي يخلف ومن يصبر هو المنصور=أبحمل جـــرح بالخفــاق عناني من أســــــبابك
أنا اللي منتظر ياشـــــوق أراقب والأمر مستور=تجمّل وأزرع البسمه على المجـــــروح بغيابك