مــمــرات الغياب
لا تسولف يا قلب عن قصتك
أترك عنك السوالف
واسكن عالم الصمت
ماعاد تفيد السوالف دام بداخلك جرح
ماعاد تفيد ابتساماتك وأنت داخل ممرات الغياب
أسكن عالم الصمت ياقلب
واترك غيرك على كيفة يسولف
يا صمت
لملم من الوقت اللي تلملمه وانثر باقي الوقت داخل
ممرات الغياب
وش حاجتي به دام النفس مظلمة وش حاجتي به دام
صار به أقنعة وأقنعة
يا صمت
لملم من الوقت اللي تلملمه
ما عاد صرت احسب له حساب ... ولا عاد صرت
أشتاق له واطرده
يا صمت
شوف ممرات الغياب كم هي أتعبتني
وشوف ملامحها كم هي مقرفة
يا صمت
ممرات الغياب مجموعة أسئلة كل سؤال بيده خنجر
ولا له قلب يحكمه
هذا يطعني وذاك أنا أطعنة
هذا يغدربي وذاك ماقدر أغدره
يا صمت تكفى
ممرات الغياب جمرتين مؤلمه
كل ممر له حاجتين بداخلي متعبة
ممر أسافر معاه و أقول ما أطوله وما العنة
كل ما بغيت أرد أحس أني توني بأوله
وكل ما بغيت أنتهي منه يقول لي توك بأولي
ممر أجلس به يصور لي ملامحي أكثر من مليون
صورة مغلفة
ممر يناديني والتفت له و أسفهه
وممر يطالعني ويسفهني ويرحل وإنا أتبعة
آه يا صمت
يا كثر ممرات الغياب بداخلي
وياقوها متعِبة ومتعِبة
كم بكيت بداخلي مجموعة أزمنة
وكم شكيت للغياب عن ممراته المجحفة
آه يا صمت
كم تكسرت ملامحي من مرة
وكم رديت أجمعها وأرتبها مرة و مرة ومرة
وكل مرة أطالع ملامحي وأقول لنفسي من هو هذا
ماعرفتة
آه ياصمت
ممرات الغياب سالفتين موجعة
كل ما بغيت أنتهي أبتدت فيني ... وكل مابغت تبتدي
تنتهي فيني
تصدق ياصمت
ماعاد أعرف نفسي من كثر ممرات الغياب
ماعاد أعترف بالوقت ولا عاد يهمني
تكفى ياصمت
لملم من الوقت اللي تلملمه وانثر باقي الوقت داخل
ممرات الغياب
وش حاجتي به دام النفس مظلمة وش حاجتي به دام
صار به أقنعة وأقنعة
بدر المطيري
18
11
1429هـــ