فهد المســاعد
يلامسك بيدٍ حانيه
وأحيانا تحس بوجعها فتحن عليها
ليُخْلَقْ بينكم ترابط من حيث لاتعلم
المســــاعد
ياكم أطربتني \
بـعد الـتـعب عودت مـثل .. أي إنـسان=بـنـسـى همومي مـثل ما الناس ناسين
قـعـدت اقـلب فـالــفـضـا كـــوم بــلــدان =من شاشه لشاشه ولا ادري عـلى ويـن
قـلـت انـبـش هـموم وكـوالـيس الأوطان=وأشوف هالحيـن في ويـش لاهـين
أول قـنــاه فـــلــم عـــن قــصــة أخــوان =حـبوا فتاه .. وفرقـت بـيـن الاثـنـيـن
ثـانـي قـنـاه ووجـــه أو لــوحـــة ألـــوان=من لـبـسها .. وش لبسها ؟ ربك يعين
ثــالـث قـنـاه ورقــص وأضـواء والـحان =أجـساد مـعروضـه من أيـديـن ليديـن
رابــع قـنـاه وشـاب مــن بـيــن نــسـوان =يــشرح لـهن بـمعان عن موضة آلفين
خـامـس قــنـاه ومـن صـبـايا .. لـ فـنــان=لا والله ألا زغـردي يـا فــلـسطـين
ســادس وسـابـع كـلـهـا حـمـلـة إعــــلان=ثـامن وتاسع مـثـل بـاق الـعــناويـــن
عـاشـــــر قـنـاه ومـنـظـر يـهـز الأبــدان =مـن شوفـتـه ضاقت على دمـعي العـيـن
قـبـلـه وأنـا تـحت الـغـما .. بـيـن جدران =حـول الحطب وأقسى على البرد ويلين
بـعـده وأنـا تـحـت السماء .. فوق طوفان=واحـس فـي صدري سواه الـبـراكـيـن
مـنـظـر طـفـل ديـنـه نـسـخ كـل الأديـان=مـسلم يـعـرف الله قـبل يـنـطق السين
مـنـظـر طـفـل مـســلـم مـن بـلاد الأفغان =بـيـن الـمطر والـبرد والجوع والطين
عـاري وخـايـف لـن كـم طـفـل عـريــان=فـي مـثل عـمره اندفن قـبـل يـوميـن
جـايـع ومـن كـثـر الـقـنـاعـه والأيــمــان =يـسكت ويـقرا .. الـحمد ويقول آمين
صـوتـه عـتـاب ورعـشـة أيـدينه أحزان =ونظرة عـيونـه مـثل طعـن السكاكين
فـي قـلـب مـن لـه قـلـب مـفـعـم بالإيمان=وفي عـيـن من له زمان الدجى عين
يــارب يــاللــي عـنـدك الـنـاس ســيــان =تجار وضعـوف وعـبـيد وسلاطيـن
حـنـا عـبـيـدك وأنـت يــا عـالـي الـشـان =أدري بـخـبث وغـطرسات الـملاعـين
يـارب تــدحـــر كــيـد عـبــاد الأوثــــان =وتعـز نـاس همهـا نصرة الديـن
فهد المســـاعد