حبيبي دونك الخافق تدون به معاناتك
من اللي غيري بربك تواسي دمعك وتفداك
حبيبي لو نسيت انك مخلدني بكتاباتك
فديتك مستحيل انسى (احبك واعشقك واهواك)
يا سيد قلبي وروحي تبعثرني مسافاتك
احس بغربتي بعدك تعاتبني على فرقاك
تشوف الذنب هو ذنبي واشوف الذنب رحلاتك
تروح تقول عدوا لي واعيش الهم في ذكراك
تعود كل ما فيني تناجيه ابتساماتك
وصرت بغيبتك عني اناجي ليلي ابلياك
اسلي نفسي كالعاده بتقليبي جواباتك
واضم حروفها وابكي عساني بالدموع القاك
حبيبي ليه حبيتك وروحي هامت بذاتك
تصدق ليتني طفله ( اشوفك وارسمك وامحاك)
رسمني ذا الزمن صوره على جدران لوحاتك
وانا اللي صورتك داخل كياني تحتفل وياك
حبيبي هاك وجداني ودون كل اهاتك
رغم انف الهجر مهما يطول ويبتعد طرياك