صار لي مدَه و أنا في صمت أحبك
بس أتابع شوفتي لك في عيوني
كم طلبت أرضاك وأدخلتك بربك
وأستملتك يا هنايا يا فتوني
كم عكست الدرب أنا وأخترت دربك
كم وصلت بحبك لقمة جنوني
كم من المشرق سرى شوقي لغربك
كم فتحت أبواب من دونك ودوني
كم جرحت إحساس لجل أبقى بقربك
لين ثار بداخلي فيني سكوني
لين ذنبي في شرك ذنبك تشبك
وأحلفت سود النوايا ما تخوني
لين صار العشق من ناره يشبك
في مسا ليلٍ .. فراشاته شجوني
كل ما شعت مشاعل مع مهبك
للسنا منك .. ولحضانك رموني
سربها شوقٍ سرى يطلبك طبك
لو هو أخر ما يراود بك ظنوني
قابلٍ بالكي منك بس أطبك
أسكنك وأبنيك وألقى فيك كوني