لي صاحبٍ لاشفت زوله تبسمت
يرتاح بالي كل ما شفت زوله
كم هام فيني كم/ وكم فيه أنا همت
أموت في حسنه.. وقده.. وطوله
لامن نظرلي في عيونه/ تلعثمت
يضيع شيءٍ في خفوقي بقوله
عن حب غيره يا عرب/ سبته شمت
يامر وأنفذ ما يبيه/ بسهوله
لو العواذل بيننا/ تكثر الشمت
عهدي أنا وياه/ محدٍ.. ينوله
ما الوم نفسي يوم جيته/ وسلمت
قلبٍ ملكه بطرف عينٍ / خجوله
أجمل كلام الحب منه/ تعلمت
أخذت أنا وياه صوله/ وجوله
ما اذكر ولا مره/ غشى جوي الصمت
بالعكس/ عشت الحب بأحلى فصوله
أنا مع تاج الحسن/ كم تنادمت
أعشقه/ وأعشق فيه حتى.. فضوله
يعني أحبه .. لا / يعني تسلمت
قلبٍ عجز بالحب غيري/ يطوله
رام الهوى قلبي/ وأنا بالهوى.. رمت
وأعلن خفوقي/ بالمحبه.. مثوله
وأفصحت عَمّا فالخفوق/ وتكلمت
عن حالي اللي فيه بيّن / نحوله
و وقفت لحظه / .. ثم بكيت وتبسمت
للعشره اللي/ من زمان.. الطفوله